Page 22 - Сергей Васильев. Өлбөт өрөгөй

Бигээҥ, бигээҥ омуннуран,
Бэйэбин баҕар утутуоххут.
Таптыыр кыыспын на§ыл-нуран
Түүлбэр бигээн киллэриэххит.
Бигзэҥ миигин, долгуттар,
Түүлбэр киириэхтэрэ кыргыттар.
1934 с.

ОҺУОРДУУ ОЙУУЛАА

Биһиги — колхозтаах
Ньиргийэн иһэбит,
Өҥ, ыраас олохтоох
Сырдыкка тиийэбит.
Эн, маастар, быһаххын
Сытыытык буруустаа!
Остуолгун, дьыбааҥҥын
Оһуордуу ойуулаа!

Киэҥ килиэ сааланы
Киэргэтэ ууруохпут,
Күн көрө мааныны
Тэлгэтэ тардыахпыт.

Биһиги таптыыбыт
Сибэкки ойууну;
Үгүстэн талабыт
Көмүстээх оһуору.
Эн, маастар, быһаххын
Сытыытык буруустаа!
Остуолгун, ыскаапкын
Оһуордуу ойуулаа!
1934 с.
16