Page 185 - Сергей Васильев. Өлбөт өрөгөй
P. 185
Уһааран ылбытым...
Дьиримнии оонньуур
Төлөн дэйбиирдээх,
Кьгтыан буурай
Кыым мээчиктээх,
Кытыаста күөдьүйбут
Кыһабар күөттээн,
То5ус болгуоттан
Чулуулаан хаалбытым,
Сэттэ болгуоттан
Чиргэллээн ылбытым...
Ыстаал бэрдэ буолан
Ыллаан лыҥкынаатын диэн,
Кырыы лэкээ саҕа
Кыстыкпар төкүнүтэн,
Баччыр оҕо саҕа
Балтабынан ньээкэйэн,
Ыас курдук эллээбитим,
Ыга, сыыйа таптайбытым.
Аан Ийэ дойдум харысхалыгар,
Аймах-хаан дьонум дьолугар
Амырыыныгар, кылааныгар
Абытайдаах буоллун диэн,
Хахырыйан-хахырыйан,
Хаптаччы аалбытым.
Үрүҥ тыын толугар,
Өрөгөй-талаан былдьаһыгар —
Сүрэҕи токкустун,
Сүһүөбү сөһөстүн диэн,
Кыкырыйан-кыкырыйан,
Кылааннаах уһуктаабытым.
Кырдьыкпыт иннигэр
Кыргыһар күммүтүгэр,
