Page 189 - Сергей Васильев. Өлбөт өрөгөй
P. 189
Хаайыыны-түрмэни
Хайыта сырбатан,
Халыҥ норуокка
Көҥүл күн сырдыгын
Көрдөрө оҕус!
Иһит эрэ,
Эрэллээх доҕоруом!
Тойон сүрэҕим саҕа,
Чопчу таас бурууспунан,
Чочулуу-чочулуу,
Хара быарым саҕа,
Хатан тимирбинэн,
Хататтыы-хататтыы,
Аныардаах-дьаныардаах
Арҕаа халлаан диэки
Өргөскүнэн утары
Өрө уунан тураммын,
Ийэбэр-аҕабар эппэтэх
Элэ-была тылбынан
Аймах дьонум аатыттан
Алҕаатаҕым буоллун:
Иннигэр Ильич кэриэһэ
Эркээйи буолуохтун!
Ыксабар партия ыйааҕа
Ыллык буолуохтун!
Кэскилиҥ кэккэлэстин,
Айхалыҥ артыалластын!
Өрөөбүт сиргиттэн
Үс мае үүт бүтэйи
Үрдүнэн охсуллар
Үкэр от үүнүөхтүн!
Ааспыт суолгунан
Ат сылгыны
Арҕаһынан охсуллар
175
