Page 82 - Сергей Васильев. Өлбөт өрөгөй
P. 82
ОҺУОКАИ
Оһуо-оһуо оһуокай,
Эһиэ-эһиэ эһиэкэй!
Оонньууларга көхтөрдөөх,
Оһуокайга дьүөрэлээх,
Отутуттан анныкы,
Уоннааҕыттан үрдүкү
Орто сүһүөх ыччаттар
Унаар сайын күлүмэр
Уопсай мустан тураммыт,
Омодойбут үгэһинэн
Оһуокайдаан оонньуоҕуҥ!
Эллэй зһэбдт үгэһинэн
Эһиэкэйдээн иһиэҕиҥ!
Оһуо-оһуо оһуокай,
Эһиэ-эһиэ эһиэкэй!
Уон иилээх-саҕалаах
Улуу Ийэ дойдубут
Уйаргыаҕа дэһэҥҥит
Оһуокайтан уурайымаҥ!
Уйаргыаҕын иннигэр
Уулбат муустаах муоранан
Улаҕалаах дэһэллэр!
Оһуо-оһуо оһуокай,
Эһиэ-эһиэ эһиэкэй!
Тоҕус иилээх-саҕалаах
Туруу бараан дойдубут
Доргуйуоҕа дэһэҥҥит
Туораан, чугуйан турумаҥ!
Доргуйуоҕун иннигэр
Туруу таас хайанан
Тулааһыннаах дэһэллэр!
Оһуо-оһуо оһуокай,
Эһиэ-эһиэ эһиэкэй!
68
