Page 85 - Сергей Васильев. Өлбөт өрөгөй
P. 85
Оһуо-оһуо оһуокай,
Эһиэ-эһиэ эһиэкэй!
Үҥкүүлэрбит дьиэрэйэн
Үрэх ыалын үмүөрүттүн,
Тойуктарбыт дуораһыйан,
Толоом ыалым тоҕуоруттун!
Унаар сыһыы аайыттан
Уолаттарбыт муһуннунар,
Кырдал толоон аайыттан
Кыргыттарбыт кэллинэр!
Оһуо-оһуо оһуокай,
Эһиэ-эһиэ эһиэкэй!
Хоһуйбут-эппит хоһооммут
Хочо-толоон баһынан
Хобо курдук хоҥкунаатын!
Хабарҕабыт тойуга
Хатыҥ чараҥ быыһынан
Хомус курдук хоҥкунаатын!
Кырыыппалаах куоласпыт
Кырдал толоон иэнинэн
Кыталыктыы кыҥкынаатын!
Оһуо-оһуо оһуокай,
Эһиэ-эһиэ эһиэкэй!
Дьиэрэҥкэйдээх оонньуубутун,
Дьэрэкээннээх ырыабытын
Торҕо-солко клистэлээх
Туруу, лөглөх күөх быраан
Чуумпуран туран иһиллээтин!
Элиэнэлиир эбэкэбит
Эрэһэлиир долгунунан
Эҕэрдэлээн дьиримнээтин!
Күөрэгэйдиир чыычаахпыт
Күндээр халлаан урсунуттан
Көҕүлэһэн дьирилээтин!
Оһуо-оһуо оһуокай,
Оһуокайдыыр оһуокай!
71
