Page 157 - Иван Мигалкин Күн таммаҕын ыһыспыт дьылҕалар

тоһуйан ыланҥыт, тулалыыр эйгэни тунал ырааһынан
киэргэтэҕит, симиигит!
Ньургуһуннар, эһиги тускутунан төһөлөөх ырыалар,
хоһооннор айыллыбыттара буолуой, ону барытын ааҕан
сиппэккин.
Биһиги төрөөбүт-үөскээбит тапталлаах Сахабыт сири-
гэр, ханнык да сибэккилэртэн эһигини ордорон күүтэл-
лэр, эһигини истиҥник ахталлар, эһигини — ньургуһун-
нары, итии-сылаас күннэр үүммүттэрин туоһутунан ааҕал-
лар.
Чаҕыл күнтэн мичилийэ үөрбүт кыракый оҕолор нап-
нарын тарбахтарын сыысчаанынан эһигини ис сүрэхтэ-
риттэн имэрийэ оонньуохтарын баҕараллар.
Оҕолор уонна ньургуһуннар... Эһиги аналгыт биир —
кэрэҕэ тардыстыы, тунал ырааһынан Ийэ сири киэргэ-
тии, симээһин.
Ньургуһуннар, эһиги, киэҥ да киэҥ сиринэн тайааҥ-
ҥыт үрдүк үөрүүнү саҕаҕыт, үөрүүнү үксэтэҕит — хас
ыал ахсын, хас сүрэх ахсын!
1980

Көтөн куһугуруур кустар

Саха киһитэ ханна да сырыттар, ордук итии айылҕалаах
соҕуруу дойду киэҥ-куоҥ паркаларын, күөҕүнэн симэммит
бульвардарын уутугар күөнэхтэнэ оонньуур кустары
көрдөҕүнэ — хайдах эрэ дууһалыын чэпчии, сырдыы түһэр-
гэ дылы буолар...
Ол кыракый, араас дьүһүннээх кустар ким да баары-
гар кыһамматахтыы туттан, нарыннык, намчытык уста
сылдьалларын өр да өр тонолуппакка одуулуугун, уруур-
гуу саныыгын итиэннэ ыраах баар төрөөбүт алааскын ис-
тиҥник ахтан ылаҕын...
Биһиги Сахабыт сирин — көтөн куһугуруур кустара
суох отой санаабаккын. Кинилэр биһиэхэҕэ мичээр бэлэх-
тээх сандал сааһы аҕалаллар, көмүс күһүн санньыар му-
зыкатын кинилэр соҕуруу көтөр кынаттарын дапсыара
оонньотон ааһаллар...
1982

Кыһыҥҥы көстүү

Үрүҥ хаары үллүнэн турар мастар иһийэ чуумпуран,
кыһыҥҥы айылҕа ураты дьикти көстүүтүн өссө тупсаран,
ситэрэн-хоторон биэрэр курдуктар. Тулаҥ барыта — ту-

153