Page 156 - Иван Мигалкин Күн таммаҕын ыһыспыт дьылҕалар

Ааспыт үйэлэр сүдү мөҥүөннэриттэн улуутук өҥөйөн
элбэх кэрэ, дьикти тупсаҕай тутуулар хааланнар, биһиги
сайдыылаах олохпутун эбии тупсараллар, киэргэтэллэр,
кэрэҕэ уһуйаллар уонна үөрэтэллэр.
Архитектура олус былыргы искусство буолан, киһи
үөскээһинин кытта тэҥинэн сайдан испит. Ити холобуру-
нан Африкаҕа баар Калембо диэн ааттаах күрүлгэн та-
һыттан 57 тыһыынча сыл анараа өттүгэр оҥоһуллубут
киһи олорор тутуутун итиэннэ Россияҕа Гомельскай уон-
на Брянскай күбүөрүнэлэр ыпсыыларыгар турар Юдино-
во дэриэбинэ аттыгар 25 тыһыынча сыллааҕыта туойунан
тутуллубут 4,5 х 3,5 метр иэннээх дьиэни булбуттарын
интэриэһиргээммит, архитектура историятын өссө дири-
ҥэтэн үөрэтиэхпитин сөп.
1984

Күлэр-үөрэр оҕо саас

Сыл-хонук тапталлаах Өлүөнэ өрүспүтүнүү төһө да
иннин диэки тохтоло суох суккулла уһуннар, чаҕаара
күлэр-үөрэр оҕо саас барахсан киһи өйүттэн-санаатыттан
хаһан да умнуллубат.
Сандал саастыы ыраас, сырдык биһиги оҕо сааспыт
өрүү эйэлээх халлааҥҥа баҕарар.
Киэҥ-нэлэмэн Сахабыт сирин үрдүнэн дьоллоох оҕо саас
көҥүллүк да туттан мичээрэр. Ол мичээр биһиги дууһа-
быт ортотунан киирэр итиэннэ оҕолорбут туһугар туох
эрэ үйэлээҕи, кэрэни оҥорорго уонна айарга угуйар.
Оҕолор мичээрдэрэ өрүүтүн баар буолуохтун — би-
һиги олохпутугар, оттон кинилэр чоҕулуччу көрбүт ха-
рахтара хаһан да билбэтин сэрии уодаһыннаах алдьар-
хайын!
Оҕо баар — биһиги кэскилбит, биһиги инникибит!

1980

Сир ийэ сиэдэрэй симэхтэрэ

Сандал саас бүтэһик хонуктарыгар, самаан сайыны
уруйдуу-айхаллыы көрсөр туһуттан, тоҥ буору эрдээх-
тик тобулан тахсыбыт сир Ийэ сиэдэрэй симэхтэрэ — ньур-
гуһуннар...
Сөрүүн тыалга имэрийэ куустаран, нуоҕайан-нусхайан
үүнэн тураргытын, көрүөххэ үчүгэйиэн!
Кыракый бэйэҕит күн сырдык, сылаас сардаҥаларын

152