Page 179 - Иван Мигалкин Күн таммаҕын ыһыспыт дьылҕалар

тынан ийэм эрэйдээх сырдык тыынын быспыттара... Оттон
саха уолчаана хаана баран уонна тоҥон, хас да чаас уста-
та төрөөбүт тылынан тугу эрэ үлүгүнэйэ сытан өлбүтэ.
Билигин да түүлбэр ол саха уолчаана көстөр итиэннэ бу
билиҥҥибинээҕэр эдэр ийэм барахсан.
Ол саха уола нууччалыы тугу эмит эппитэ буоллар,
билигин да өйдүөм этэ. Памятым үчүгэй, дэлэҕэ колхоз
председателинэн үлэлиэм дуо? Муҥ саатар аатын, арас-
паанньатын эппэтэх муҥнаах. Үөрэҕэ суох эрэйдээх буол-
лаҕа... Бу пааматынньык туруоруллуутугар эһиги ааты-
рар поэккыт (Сергей Васильевы этэр) кэлэ сылдьыбыта.
Тыл эппитэ. Кыраһыабай да саха этэ. Бу эйиэхэ кэпсээбип-
пин, түгэн кыайан көстүбэккэ, киниэхэ кыайан эппэтэҕим.
Уонна, кырдьыгынан эттэххэ, аатырар дьонтон хайдах
эрэ толлобун. Эн литературнай институкка үөрэнэбин диэ-
тиҥ дии. Суруйааччы буоллаххына, хаһан эмит бу түбэл-
тэни ахтаар.
Саас ортолоох нуучча дьахтара бу кэпсиир кэмигэр
мин сүүрбэ сааспын туола илигим. Билигин, сааһыран ба-
ран кэмсинэбин, маннык үтүөкэн санаалаах нуучча дьах-
тарын аатын-суолун сурунан ылбатахпын.
Быйыл саас Улуу Кыайыы 50 сыллаах үөрүүлээх
өрөгөйүн бэлиэтээтибит. Онно анаан Японияҕа өҥнөөх хаар-
тыскалардаах Кыайыыны уһансыбыттарга бэртээхэй аль-
бом бэчээттэннэ. Ону көрө олороммун хомойбутум баар:
19-с хайыһар биригээдэтин ахталларыгар, бу биригээдэ
састаабыгар киирэн геройдуу охтубуттары үйэтитиигэ
Сергей Васильев аата ахтыллыбатаҕыттан. Билигин да са-
ныыбын, поэт Сергей Васильев “Улуу Ильмень” баллада-
тын суруйбатаҕа буоллар, Старай Руссаҕа сахаларга анаан
пааматынньык туруохтааҕын, кырдьаҕас Новгород олох-
тоохторо сахалары киэн туттан ааттыахтаахтарын саар-
бахтыыбын.
* * *

Кэлин кэмҥэ соҕуруунан-хотунан, кыра-улахан куо-
раттарынан, дэриэбинэлэринэн сылдьаммын, оҕолор ба-
рахсаттар арылыйа мичээрэн оонньоон туорахтаһалларын
көрдөхпүнэ, Сергей Васильев “Барыта оҕолор иһин” хо-
һоонун строкалара дууһабын истиҥ-иһирэх иэйиинэн то-
лороллор. Ити оҕолорго бэйэм оҕолорбун дьүөрэлээммин,
кинилэргэ тапталым ыраас, сырдык уонна үйэлээх!
Сайылык саҕатынан, алаас тыатынан
Саҥа-иҥэ чугдаарбат буоллаҕына,
Самаан сайын кэлбэтин даҕаны.
е* 175