Page 180 - Иван Мигалкин Күн таммаҕын ыһыспыт дьылҕалар

Кыра оҕо атаҕын суолунан
Кыраһа кырса ойууламмат буоллаҕына,
Кырпай хаар түспэтин даҕаны.
Оһох иннинэн, остуол аттынан
Оҕо төбөтө күкээрийбэт буоллаҕына,
Унаар буруо субуйбатын даҕаны.
Оҕо —
Өлбөөдүйбэт үрүн күн,
Өлбөт-сүппэт уһун үйэ.
Оҕо —
Салыйбат итии таптал,
Саппаҕырбат сандал саас.

* * *

Ийэм аҕатын дойдутугар күөх Ньурбанан, ыаллыы
Мэҥэ-Хаҥалаһынан итиэннэ төрөөбүт-үөскээбит Уус-Ал-
даммынан сырыттахпына, Сергей Васильев туһунан кэп-
сэтии буоллар эрэ, кырдьаҕастар “Биһиги Сэргэйбит” диэн
таптаан, ытыктаан ааттыылларын истэргэ үчүгэйиэн! Кини
күн сирин сырдыгыттан арахсыбыта төһө да сүүрбэ сыл
аастар, итинник ахтыллара — Сергей Степанович киһи
киэнэ үтүөтэ буоларыгар итиэннэ кэрэ талааныгар сүгү-
рүйүү бэлиэтэ!
Сергей Васильев кырдьыга да, биһиэхэ барыбытыгар
чугас, барыбыт поэта, истиҥ сүбэһитэ, доҕоро буолар. Кини
маннык суруйар толору бырааптааҕа: “Бу сандаарар сыр-
дык саһарҕа — барыта миэнэ! Бу айаарар үөрүүлээх му-
зыка — барыта миэнэ! Бу улуу Урал, улуу Кавказ —
барыта миэнэ!” — диэн.
Сергей Васильев поэзиятыттан да көстөрүнэн, төрөөбүт
Ийэ дойдутун муҥура суох таптыыра, ол тапталынан эдэр
ыччаты үтүө үгэстэргэ утумнаахтык иитэрэ, угуйара. Сер-
гей Васильев сырдык аатыгар ис сүрэхпиттэн этиэхпин
баҕарабын: “Кэлэр да үйэҕэ биһиги Сергей Васильевпыт
аата саха дьонугар истиҥник ахтылла туруохтун, хомоҕой
ырыата ылланыахтын, таптаан хоһуйбут Мүрү алааһын
күөх хонуутугар кэнчээри ыччата оһуокай этэн үҥкүүлээн
тэбиэхтин, кырачаан оҕо чуор саҥата “Биһиги Сэргэй-
бит” диэн үөрүүлээхтик, киэн туттуулаахтык ааттыахтын!

176 « 5