Page 181 - Иван Мигалкин Күн таммаҕын ыһыспыт дьылҕалар

* * *
1987 сыл балаҕан ыйын 18 күнүгэр киэһэ 7 чаастан
поэт Сергей Васильевы ахтыы-киэһэтэ Уус-Алданнааҕы
кииннэммит библиотекаҕа ыытыллыбыта.
— Сергей Васильевы кытта бииргэ үлэлээбит, доҕор-
доспут үөлээннии саастыылаахтара бүгүҥҥү киэһэҕэ кэлэн
олороллор. Эһиги бары билэргит курдук, биһиги оройуом-
мутугар эрэ буолбакка, бүтүн республика үрдүнэн саха
талааннаах поэта Сергей Васильев төрөөбүтэ 80 сылын
көрсө араас өрүттээх мероприятиелар бу күннэргэ ыытылла
тураллар. Оттон биһиги оройуоммутугар бу ый 16 күнүттэн
саҕалаан уон күннээх декадник биллэриллибитэ. Ол Суот-
ту сэлиэнньэтигэр комсомольскай субуотунньугунан саҕа-
ламмыта, — диэн кылгас киирии тылынан ахтыы киэһэ-
тин оройуоннааҕы кииннэммит библиотека директора Зоя
Васильевна Мигалкина аспыта.
Кини кэнниттэн тылы ылбыт педагогическай үлэ уонна
сэрии ветерана, оройуоннааҕы “Чороон” литературнай
түмсүү чилиэнэ Н.Д.Бурцев бэйэтин ахтыытын маннык са-
ҕалаабыта:
— Бастатан туран, эһигини, биһиги биир дойдулаах-
пыт поэт Сергей Васильевка аналлаах литературнай бы-
рааһынньыгынан ис сүрэхпиттэн долгуйан туран эҕэрдэ-
лиибин.
Манна кэлбит дьон бары Сергей Васильев олоҕун, айар
үлэтин билэҕит. Сергей Васильев 1929 сыллаахха “Ара-
маан артыала” диэн бөдөҥ поэманы суруйан норуотугар
поэт быһыытынан киэҥник биллибитэ, бу поэматынан бэ-
йэтин элбэх сыллаах кэрэ поэзиятын саҕалаабыта.
Онтон ыла барыта 33 кинигэни суруйан таһаартарбыта.
Ол иһиттэн 27 очерк, публицистика уонна хоһоон, алта
оҕолорго аналлаах кинигэлэри. Кини бу 33 кинигэтиттэн
алтата нууччалыы тылынан тахсан, Россия норуоттарын
поэзияны таптааччыларын ортотугар киэҥ биһирэбили,
үрдүк сыанабылы ылбыта. Сергей Васильев общественнай
деятель, поэт, публицист быһыытынан төрөөбүт Ийэ дой-
дутугар умнуллубат баай ис хоһоонноох олоҕу олорбут
киһинэн буолар.
Оройуон киинигэр Томторго мин кинини аан бастаан
1931 сыллаахха көрбүтүм, онтон 1947 сылтан саҕалаан
Сергей Васильевы кыралаан көрөр, тыл этэрин истэр буол-
бутум. Суоттуга учууталлыы сырыттахпына субу-субу тах-
сара, кини көрсүө майгылааҕа, сүрдээх аҕыйах саҥалааҕа.
Мээнэ ыһан-тоҕон кэпсии сылдьыбата. Үксүн эйигин бол-
ҕойон истэрэ. Сергей Степановичтыын бодоруһан баран бил-
177
12 Заказ N9 26