Page 19 - Иван Мигалкин Күн таммаҕын ыһыспыт дьылҕалар

саха литературатыгар сыһыаннаах арааһы барытын
мөккүһэрбит. Мин сааспынан барыларыттан оҕо уонна олох-
хо кыра опыттаах буолан өрүү хотторуулаах хааларым.
Биирдэ оннук литературнай мөккүөр ортотугар радионы
холбоон, Союз сонуннарын иһиттибит. РСФСР Министрдэ-
рин Советын Уурааҕын.
Онно биһиги поэппытыгар Семен Петрович Даниловка
Максим Горькай аатынан Государственнай бириэмийэ анам-
мытын эттилэр. Бу Россия литературнай бириэмийэтэ поэт
тус олоҕор төһө үрдүк суолталааҕын ситэ-хото өйдөө-
бөтөрбүт да, улахан киэн туттуунан истибиппит. Ити өйбөр
умнуллубаттык хатанан хаалбыта. Семен Данилов кыра
кээмэйдээх “Киһи барахсан” диэн кинигэтин куорат биб-
лиотекатыттан уларсан аахпыттааҕым. Онон С.П.Даниловы
поэт быһыытынан үчүгэйдик билэр курдук сананарым.
Оҕотук санаа баламата, күүһэ-күдэҕэ, омуна-төлөнө итиннэ
сыттаҕа эбээт! Поэт биир кинигэтинэн кини поэзиятын
олорчу билэр курдук сананыы, туттуу...
Саха тылын уонна литературатын преподавателэ, ли-
тературнай куруһуокпут салайааччыта, бэрт үтүө майгы-
лаах, наҕыл-холку бэйэлээх Мария Ивановна Захарова
Семен Данилов айар үлэтин киһини тардар гына кэпсии-
рэ, тыл форматын сатаан туттууга кини хоһоонноруттан
холобурдуура.
Оттон сытыы-хотуу хамсаныылаах, нууччалыы-саха-
лыы тэҥ ыраастык саҥарар математика преподавателэ
Татьяна Прокопьевна Аммосова училище биир концеры-
гар “Якутским женщинам” диэн Семен Данилов хоһоонун
аахпытын, киэҥ-куоҥ саалаҕа мустубуттар бары дохсун,
уостан биэрбэт ытыс таһыныынан көрсүбүппүт. Билбэппит
да бэрдэ буолуо, математика курдук ыарырҕатар пред-
меппитигэр “сордуур-муҥнуур” учууталбыт, поэт ити хо-
һоонун наһаа да умсугуйан, ис-иһиттэн долгуйан, өрө
күүрэн туран аахпыта барыбытын сөхтөрбүтэ:

Ваши очи, как ночи, глядят сквозь ресницы,
Ваши косы чернеют,
пламенеют, как смоль.
Наши девушки-стерхи,
наши певчие птицы,
Наши жены красивые,
наша радость и боль.
Оттого, что вы так улыбаетесь ярко,
Оттого, что вы есть, оттого, что вы здесь —
Даже в лютые стужи
здесь бывает нам жарко
15