Page 17 - Иван Мигалкин Күн таммаҕын ыһыспыт дьылҕалар

Хатын1 чараҥҥа хаамыстахпына —
Киниэхэҕэ кэрэ дууһаҕын кэпсиибин.
Көҥүл былыттар айаннарыныы
Сыыдамнык устуохтара сыллар,
Өлүөнэ өрүс имигэс баалларыныы
Үөскүөхтэрэ хорсун сырдык санаалар —
Эн ырыаҕыттан күүс ылан, эрчимирэн,
Эн олоххун кэнэҕэс да үйэтитэн.
Кимҥиттэн-туоххуттан тутулуга суох сэнээбэт буолуу,
адьас тэҥнээҕин курдук туттан сэһэргэһии, инникитин
туһалаах буоллун диэн сүбэлээһин уонна олох мындырда-
рыгар бэйэтин баай опытыттан такайар майгы, ис-иһит-
тэн үрдүк культура Семен Петрович Даниловка баара.
Маннык ураты кэрэ сыһыан — улахан талааннаах дьоҥҥо,
дьиҥ-чахчы уһулуччу киһиэхэ бэриллэр.
Республика олоҕор-дьаһаҕар муҥура суох үтүөнү оҥор-
бут бөдөҥ общественнай деятель, биллиилээх поэт быһыы-
тынан төрөөбүт сахатын норуотугар истиҥник сыаналана-
ра, киэҥник биллэрэ. Ол үрдүнэн, Семен Петрович бэйэ-
тин тустаах уонна айар үлэтиттэн хайдах эрэ быыс-арыт
булан, саха литературата кэхтибэтин, салгыы сайыннын
диэн күндү бириэмэтин кэрэйбэккэ, бары күүһүн-уоҕун,
өйүн-санаатын ууран туран, мин курдук поэзияҕа саҥа
күүстэрин холонооччуларга өрүү сүбэ-ама буолара, араас
өрүттээх көмөлөрү оҥортуура.
Семен Данилов эдэрдэр кыра да дьоҕурдарын үрдэтэн
сыаналыыра, оҕолуу нарыннык бүөбэйдиирэ. Кинилэр
сыыһаларын-халтыларын, бэл, итэҕэстэрин билэ да сыл-
дьан, хайа кыалларынан араҥаччылыы сатыыра. Бу бары-
та — эдэрдэртэн саха литературатыгар күүстэрин харыс-
таабакка үлэлэһэр саҥа, эрчимнээх дьон таҕыстыннар диэн
сырдык санаанан салайтарыллыбыт буолуохтаах.
Айылҕаттан айдарыылаах учуутал быһыытынан, Се-
мен Петрович хас биирдии эдэр суруйааччыга дууһатын
сылааһын, сүрэҕин ыраас-сырдык иэйиитин аныыра. Кини
онон, үрдүк үрдэллэри ыларга кынаттыыра, литерату-
раҕа ситиһиигэ аҕалыы амарахтык алгыыра. 1978 сыллаахха
армияҕа сылдьаммын, Тульскай уобалас Благодать диэн
кыракый дэриэбинэтин аттыгар баар сир аннынааҕы бун-
кертан уонча хонон баран, эмискэ айылҕаҕа тахсаммын,
ол үөрүүтүгэр “Сарсыарда туманынан таҥынна” диэн хо-
һоону от ыйын 20 күнүгэр суруйбутум:
Сарсыарда туманынан таҥынна,
Сииктээх салгынынан тыынабын:

13