Page 22 - Иван Мигалкин Күн таммаҕын ыһыспыт дьылҕалар

наатыбыт. Анаабыт курдук халлааммыт ып-ыраас. Чаҕыл
күннээх. Аҕыйах хонуктааҕыга диэри ардыы турбутун мэл-
дьэһэн кэбиспиттии, халлааммыт чэмэлкэй. Останкиноҕа
тиийбиппит, киһи көрөн ымсыырыах, үчүгэйкээн таҥас-
таах омук дьоно бөҕө тоҕуоруспут. Араас тылынан кэпсэ-
тэллэр, наһаа холкутук тутталлар... Эдэрдэрэ адьас куус-
туһа, онтон кырдьаҕастара сиэттиһэ сылдьалларын
көрөммүн испэр саныыбын: “Капиталистар биһиэхэ со-
руйан киэптииллэр...” — диэн. Культура, өй-санаа сысты-
батах кыра ычалаах, алаас түнкэтэх сирин оҕото итинтэн
ордук тугу буһаран таһаарыамый?!
Манна даҕатан эттэххэ, былырыын күһүн, алта саас-
таах Катюшабынаан “Туймаада” маҕаһыын таһынааҕы
остановкаҕа турдахпытына, эмискэ кыыһым: “Паапа, куо-
рат оҕолоро наһаа маанылар”, — диэн сибигинэйбитэ.
Өйдөөн көөртүм, мин иннибэр сүүрбэччэлээх икки саха
кыыһа тураллара. “Катюша, оҕолор үһү дуо, улахан кыр-
гыттар дии, эн улааттаххына эмиэ таҥныаҥ буоллаҕа!”
“Суох, паапа, мин билигин таҥныахпын баҕарабын”, —
диэн хардаран соһуппута. Онно эмискэ мааны таҥастаах
омуктары Останкино башня таһыгар аан бастаан ымсыы-
ра көрбүппүн санаан ылбытым...
Омуктартан тэйиччи соҕус Семен Петрович кэргэнинээн
Анна Семеновналыын биһигини кэтэһэн тураллар эбит.
Кинигэ хаартыскаларыгар эрэ көрбүт Семен Петровичпы-
ныын уонна күлэн-үөрэн, кэпсээн-ипсээн куппун-сүрбүн
туппут кэргэнэ Анна Семеновналыын бэрт аҕыйах мүнүүтэ
иһигэр өрдөөҥүттэн билсэр дьон курдук буола түстүбүт.
Кинилэр: “Останкино рестораныгар аһыаххайыҥ”, — диэ-
тилэр. Лифкэ киирэн, үөһэ куугунатан таҕыстыбыт. Ос-
танкино ресторана эргийэ турара сөхтөрдө.
Остуолга Семен Петрович Анна Семеновналыын, онтон
Прокопий биһикки кинилэри утары олордубут. Тулабыты-
гар араас омуктар. Ону интэриэһиргээн ыйыталаспыппар,
Прокопий Москваны билэр киһи быһыытынан: “Маннык
ыраас күн омуктар Останкино үөһэтиттэн Москваны
көрөллөрүн сөбүлүүллэр”, — диэн быһааран биэрдэ. Ки-
лометр аҥара үрдүктэн олорор уопсайбытын бу баардыы
чугастык көрдүбүт. Мин сөҕөрүм элбээн истэ...
Семен Петровичтаах хайдах үөрэнэрбитин, кимнээҕи
кытта доҕордоһорбутун, мин хайа оройуонтан сылдьар-
бын, туох төрөппүттэрдээхпин ыйыталастылар. Семен Пе-
трович киһини тардар холку, намыын куолаһынан Дьокуус-
кай сонунун, саха суруйааччыларын кэпсээбитэ. Литера-
тура туһунан сэһэргэһии тахсыбытыгар мин Анемподист
Софронов, Тимофей Сметанин, Пантелеймон Тулааһынап,

18