Page 15 - Иван Мигалкин Күн таммаҕын ыһыспыт дьылҕалар

һыынан сыаналыахтаах дии саныыбын. Биһиги ону кэл-
тэйдии биир өттүнэн сыаналыыртан өстөһөбүт, кыыһыр-
сабыт быһыылаах..

8. “Талааныгар сүгүрүйэр буолан...”
1985 сыл. Кулун тутар 12 күнэ. Народнай суруйааччы
Софрон Даниловтыын кини рабочай кабинетыгар эбиэт
кэннэ иккиэйэх олорон, өр сэһэргэспиппит. Бу сэһэргэһии
туһунан Софрон Даниловка аналлаах ыстатыйабар суру-
йуом. Онтон билигин — Эллэй туһунан.
Намыын, холку куолаһынан Софрон Петрович ыйытта:
— “Суруйааччылар уонна кинигэлэр”кинигэбин аахпы-
тын дуо?
Мин кырдьыгынан хоруйдааччы буоллум:
— Дойдубар Бороҕонҥо ол кинигэ баар эрээри, үрдүнэн-
аннынан аахпытым.
— Мин ити кинигэбэр саамай табыллыбыт ыстатыйа-
бынан “Эдэр Эллэй” буолар. Хайдах эрэ олус таттаран
суруйбутум. Талааныгар сүгүрүйэр буоламмын, — диэби-
тэ Софрон Петрович. Бу кэмнэ кини убайын Семен Петро-
виһы наһаа санатан ылбыта. Хайдах эрэ сык гына түспүтүм.
Долгуйбутум.
Сэһэргэһэн бүтэн тахсан истэхпинэ, Софрон Петрович
ыҥыран ылан, били кэпсэппит кинигэбитин остуолуттан
булан, миэхэ маннык тыллары суруйан бэлэхтээтэ: “Уй-
баан Мигээлкиҥҥэ, — улахан суруйааччы буоларгар истиҥ
эрэли кытта уонна бары үчүгэйи баҕаран, Софрон Дани-
лов. 12.03.85 с. Якутскай”.
Арахсаары туран, Софрон Петрович:
— “Эдэр Эллэйи” болҕойон ааҕаар эрэ, поэзия туһу-
нан санааларым онно элбэх, — диэбитэ.
Мин учууталым, А.М.Горькай аатынан Россия Государ-
ственнай бириэмийэтин лауреата Сергей Смирнов сынньа-
лаҥҥа сылдьан, дойдубуттан кэллэрбин эрэ, бастатан ту-
ран, Серафим Романович доруобуйатын, үлэтин-хамна-
һын ыйыталаһара. “Саҥа кинигэтэ таҕыста”, — диэтэхпи-
нэ, — “Эһиги, сахалар, тыыннаах классиккыт буолар”,
— диэн дууһалыын сырдаан кэлэрэ. Кинилэр оннук бэйэ-
лэрин ытыктаһаллара, доҕордоһоллоро — нуучча уонна
саха чулуу поэттара.
Эллэй саха поэзиятыгар Ытык, сүдү Киһи буоларын
быһыытынан олус элэккэйэ, кимиэхэ барытыгар сайаҕаһа,
киһини бэйэтигэр тардар киһи аайы бэриллибэт ураты-
лааҕа.
1994 сыя, Тойон Мцрц
11 «5