Page 14 - Иван Мигалкин Күн таммаҕын ыһыспыт дьылҕалар

элбэх суруйааччы (талааннаах уонна дьоҕура суох эрээри,
киэн билсиилээх, киһи киэнэ чулуута уонна үрдүкү са-
лалтаҕа илэмэ-салама сыстааччы) сыратын-сылбатын ба-
рыыра буолуой?!
Сергей Васильевы баһааҕырда сатаабыттар элбэхтэрин
кэлин истибитим. Дьинэр, кини киһи быһыытынан кэрэтэ,
айылҕаттан талаана тыыннааҕар ситэ-хото сыаналамма-
таҕа хомолтолоох. Сергей Васильев, мин тус санаабар, саха
народнай поэтын аатын сүгэр толору кыахтаах улахан
поэт этэ! Кини “Барыта оҕолор иһин” хоһооно хайдахтаах
курдук күүстээх, дириҥ ис хоһоонноох айымньыный:

Сайылык саҕатынан, алаас тыатынан
Сана-инэ чугдаарбат буоллаҕына,
Самаан сайын кэлбэтин даҕаны.
Кыра оҕо атаҕын суолунан
Кыраһа кырса ойууламмат буоллаҕына,
Кырпай хаар түспэтин даҕаны.
Оһох иннинэн, остуол аттынан
Оҕо төбөтө күкээрийбэт буоллаҕына,
Унаар буруо субуйбатын даҕаны.
Оҕо —
Өлбөөдүйбэт үрүҥ күн,
Оҕо —
Өлбөт-сүппэт уһун үйэ.
Оҕо —
Салыйбат итии таптал,
Саппаҕырбат сандал саас.
Оҕо иннэ диэн,
Ийэ эмиийин ыанньытар,
Оҕо туһа диэн,
Аҕа тилэҕин элэтэр...
Поэт Сергей Васильев олох дирин силистээх-мутуктаах
муудараһын, инники кэскилгэ тардыһан кэрэҕэ дьулуһуу-
тун, омос көрдөххө, киһи күннэтэ туттар судургу тылла-
рынан этэн кэбиспитэ күүһүн, сүдүтүн! Маны, ама, клас-
сика диэбэт саха киһитэ баар үһүө!!!
Сергей Васильевы мин биир дойдулааҕым быһыыты-
нан киэн туттан туран этиэхпин баҕарабын, кини элбэх
суруйууларыттан баара-суоҕа биир эрэ холобуру да ылан
көрдөххө, кини дьиҥ-чахчы саха народнай поэта!
Эллэй Сергей Васильевы ис сүрэҕиттэн өйөөбүтэ — Эллэй
үтүө аатын өссө үрдэтэр. Киһи олоҕо олус кылгас, онон
киһи өстөөҕүн да талаанын өрө тутуохтаах, киһилии бы-
(=*■. 10