Page 24 - Иван Мигалкин Күн таммаҕын ыһыспыт дьылҕалар

Буорга да кииртшт иннигэр,
Өлбүт диэххэ түктэри.
Кини этэ сатыы саллаат —
Олоҕор, үлэтигэр;
Киирбит түргэн хаамыынан
Саха литературатыгар.
Кини тыйыс сэбэрэтин
Хараҕа сырдатара,
Олоҕун уордаах иэйиитин
Сүрэҕэ сымнатара.
Сатыыр этэ сайаҕастык
Курус санааны этэри,
Киһиттэн эрэ астыктык
Киһини үрдэтэри...
...Тохсунньуга суолга көрсөн
Тоҥортуурун мин саныыбын:
Тоҥортон күүстээҕи кэпсээн
Титирии туран умайарыҥ...
Кини килбик мичээринэн
Быһаарара быһаччы
Дьиҥнээх киһи диэн кимин,
Ол улахан суруйааччы.

Мин санаабар мичилийэр
Ол тыыннаах Түмэппийи,
Буорга да кииртин иннигэр,
Өлбүт диэхпэр түктэри.
Иккис хоһоонтон быһа тардан ааҕабыт:
Тыйыс даҕаны кэмнэргэ
Чараас сүрэхтэр үөскүүллэр,
Оннук
Дьыбарга тоҥ сиргэ
Ньургуһуннар үүнэллэр...
Булбаттар ээ эн хоһооҥҥор
Быыкаа даҕаны сымыйаны,
Хобдох тылынан хомотор
Хаҕыс, ылламмат ырыаны.

Барыта нарын, уйаҕас,
Сүрэх сипсийэр ырыата...
Ырыа биһиги олохпут
Кэрэтин, ыарын санатар.

20