Page 26 - Иван Мигалкин Күн таммаҕын ыһыспыт дьылҕалар

тораҥҥа түһэн чэйдиэххэ. Тото-хана аһыы сылдьар буол.
Оччоҕо үөрэҕи ылыаҥ. Аһаан бараммыт маҕаһыыннары
көрүөхпүт. Уолбар бачыыҥка атыылаһыахтаахпын”, —
диэтэ.
Сороҕор метроланан, ол быыһыгар сатыылаан ЦУМ-
ҥа, Военторга, Арбат уонна Калининскай проспект ус-
тунан хас да маҕаһыыҥҥа сырыттыбыт. Бачыыҥка араа-
һын сыымайдаатыбыт. Семен Петрович улаханнык талы-
мастаан, наар миэхэҕэ мээрэйдэтэр. Ити быыһыгар “Мос-
ква” гостиница кафетыгар 15 этээскэ эбиэттээтибит. Онтон
эмиэ хас да маҕаһыыҥҥа таксинан сылдьан, Москва ааты-
рар маҕаһыыннарын үксүн да кэриэтэ көрдүбүт быһыы-
лаах. Кэмниэ-кэнэҕэс биир кыракый маҕаһыынтан чеш-
скэй, платформа хобулуктаах, 45 солкуобайдаах күндү
бачыыҥкаҕа түбэһэн, миэхэ кэтэрдэн көрөн, Семен Петро-
вич сыанатын кэрэйбэккэ атыыласта.
Мин дьэ “һуу” гынным. Сылайыы да барда. Семен Петро-
вич уола оскуолаҕа үөрэнэрин этэрэ. Мин испэр хаһан да
харахтаан көрө, айах атан кэпсэтэ илик Семен Петрович-
таах уолларыгар кыһыйабын: “Куорат атаах уола бу аҕатын
уонна миигин сордоотоҕо... Боростуой да бачыыҥканы атыы-
лаһыахха баара. Оҕо хас атаахтаатаҕын ахсын омук күндү
сыаналаах бачыыҥкатын атыылаһыннарбыт буола-буола!”
— диэн.
Киэһэлик иккиэн улаханнык сылайан, “Россия” гости-
ницаҕа кэллибит. Семен Петрович төһө да сылаарҕаабыт
көрүҥнэннэр, уолугар үчүгэй бачыыҥкаҕа түбэһэн, санаата
көтөҕүллүбүт киһи быһыытынан, хоһугар киирээт да,
миигиттэн көрдөстө:
— Чэ, ааттаах атыыбытын кэтэн көрдөр эрэ!
(Мин кыһыым өссө улаатта. Испэр оргуйан олоробун
да, Семен Петровиһы ытыктыырым бэрдиттэн таспар та-
һаарбаппын.) Өс-саҕа буоламмын: “Маҕаһыыҥҥа төһө эмэ
кэтэн көрдөрбүтүм ээ. Аата, мээрэйдэтэн хааллаҕай?” —
дии саныыбын.
— Семен Петрович, оруобуна сөп!
— Санааҕар тоһө үчүгэйий? Мааныга кэтэргэ хайда-
ҕый?
— Семен Петрович, туох да ааттаах! Биһиги институп-
путугар иностранецтарга уонна армяннарга эрэ баар, —
диибин.
— Оччоҕо эйиэхэ бэлэхтиибин, — диэн, олоро тү-
һүөхпэр диэри Семен Петрович улаханнык соһутта.
— Семен Петрович, онтон уолгар ылбыппыт дии! Мин
стипендиям 40 солкуобай, онтон балтараа солкуобайын
уопсайбар туталлар. Эйиэхэ хаһан төлүөхпүнүй?

22