Page 25 - Иван Мигалкин Күн таммаҕын ыһыспыт дьылҕалар

Биһиги өрүү суохтуубут
Поэт эйэҕэс эйэтин,
Ытыктыыр убай доҕорбут
Аһыныгас да сэмэтин...
Поэт поэттарга анаабыт хоһоонноро күүһүн! Маннык
хоһооннору чахчы ис-сүрэхтэн иэйэн-куойан, дууһалыын
бэринэн суруйуохха эрэ сөп. Онтон мин Семен Даниловка
аналлаах хоһооннору анаан-минээн ааҕабын. Ол эрээри,
кини Тимофей Сметанинҥа уонна Пантелеймон Тулааһы-
напка анаан суруйбутун курдук ис киирбэх, поэт майгы-
тын-сигилитин, кини тыыннаах обраһын толору арыйар,
киһи быһыытынан ураты кэрэтин көрдөрөр хоһооннору
Семен Даниловка анаан саха поэттара суруйа иликтэр дии
саныыбын.
Олоҥхоҕо хоһуллар майгы нарына, Айыы бухатыыры-
ныы санаа ырааһа, көнөтө Семен Петровичка баара. Ба-
ҕар, миэхэҕэ маннык Кэрэ киһини тыыннааҕымсытан
көрдөрүү кыаллыбата буолаарай?!

* * *
Политическай салайааччыларга аһара сүгүрүйүүлэр
буортуларын бүгүҥҥү олохпут дьэҥкэтик көрдөрдө. Оттон
төрөөбүт норуотун туһугар олорбут, үлэлээбит поэкка ис
сүрэхтэн сүгүрүйүү — ол норуот ис культуратын, таптыыр
поэтыгар махталын, кини айымньыларын этинэн-хааны-
нан ылынан, билиигэ-көрүүгэ тардыһыытын үрдүк таһы-
мын көрдөрөр, Семен Даниловка саха норуота үйэлэргэ
сүгүрүйүө!
Саха литературатыгар 60-с сыллартан саҕалаан киир-
бит суруйааччыларга барыларыгар Семен Петрович аҕалыы
амарах кыһамньыта, улахан поэт быһыытынан үтүө көмөтө,
истиҥ сүбэтэ-амата баара чахчы.
Семен Петрович Данилов туһунан элбэҕи суруйдулар,
суруйуохтара да турдаҕа. Онтон мин бэйэм тус олохпор
сыһыаннаах аҕыйах түгэни кэпсиэхпин баҕарабын.

* * *
1974 сыллаахха ыам ыйын 4 күнүгэр, “Россия” гости-
ницаҕа түһэ сытан, Семен Петрович үөрэммэт творческай
күммүн билэр буолан (Литинститут студеннарыгар итин-
ник сынньанар күннээх этибит) сарсыарда телефонунан
ыҥыртаран ылбыта. Студент киһи Семен Петрович ыҥырыы-
ларыгар үөрэ-көтө барар идэлээҕим.
Тиийээппин кытта: “Аһаабакка кэлбитиҥ буолуо, рес-

21 « 5