Page 37 - Иван Мигалкин Күн таммаҕын ыһыспыт дьылҕалар

дөхпүнэ, аттыгар чугас Кабардино-Балкария народнай
поэта Кайсын Кулиев баар буолуохтааҕын сэрэйэрим.
Үксүгэр ити сэрэйбитим сөп түбэһэрэ.
Давид Кугультинов философ-поэт. Кини киһи кутун-
сүрүн бэйэтигэр күүскэ тардара, нууччалыы олус ыраас-
тык саҥарара. Калмыкия саамай чулуу поэтынан биллэрэ:
Зерно взрывается в земле,
Как бы себя уничтожая,
И повторяется в стебле,
Как бы себя приумножая.
Давид Кугультинов философскай поэзиятын Расул Гам-
затовы, Мустай Каримы, Кайсын Кулиевы кытта биир
тэҥ кэккэҕэ туруораллар. Давид Никитич бастыҥ доҕоро,
аҕыйах ахсааннаах балкар норуотун уһулуччулаах поэта
Кайсын Шуваевич Кулиевтыын сэрии кэнниттэн Казах-
стаҥҥа сыылкаҕа сылдьан билсибиттэр, үйэлээх доҕордуу
буолбуттар. Кинилэр орүү бииргэ сылдьа сатыыллара: мун-
ньах буоллун, командировка буоллун... Хаар төбөлөөх хайа-
лардаах Кавказтан уонна киэҥ-нэлэмэн истиэптээх Кал-
мыкияттан.
Давид Кугультинов уонна Кайсын Кулиев Аҕа дойду
Улуу сэриитин кэмигэр улахан кырыктаах кыргыһыыла-
ры эрдээхтик ааспыт бойобуой офицердар. Кыайыы
көтөллөөх Берлинтэн иккиэн тус-туһунан кэлэн баран,
сыылкаҕа эрэйдэнэ-муҥнана сылдьар норуоттарын кытта,
кинилэр эрэйдэрин эттэринэн-хааннарынан үллэстээри,
бииргэ сылдьаары баҕаларынан Казахстан истиэптэригэр
сыылкаҕа барбыттар. Кинилэргэ, бойобуой наҕараадалар-
даах офицердарга уонна талааннаах суруйааччыларга Мос-
кваҕа дьиэ, үлэ биэрэн хаалларалларын үрдүнэн...
Калмыктар сыылкаттан босхоломмуттарын кэннэ, Да-
вид Никитич Москваҕа кэлээт, Пушкин пааматынньыгар
тиийбит. Хараҕын симэн баран, эмискэ көрбүтэ, улуу Пуш-
кин хоһоонугар “калмык” диэн тыл сотуллубатаҕыттан
долгуйан, үөрэн, саҥата суох ытаабыта үһү. Кини сыыл-
каҕа сырыттаҕына, сэрии кэмигэр калмыктар таҥнарбыт-
тар, ол иһин Пушкин пааматынньыгыттан “калмык” диэн
тылы үрдүкү былаас сотторор үһү диэн ыар сурах тиий-
бит эбит.
Оттон Давид Никитич үтүө доҕоро Кайсын Кулиев, кав-
казец сиэринэн, сайаҕас майгылааҕа, оҕолуу арылхай ми-
чээрдээҕэ. Эн санныгар илиитин ууран туран кини кэпсээн-
ипсээн бардаҕына, хайдахтаах киэҥ билиилээҕин, киһи
киэнэ кэрэтин ойдүүрүҥ. “Поэзия амарах сүрэхтэн уонна
эр санааттан силис тардан үөскүүр. Ол иһин кини нарын
зз
3 Закал № 20