Page 35 - Иван Мигалкин Күн таммаҕын ыһыспыт дьылҕалар

гааҕыттан комсомолецтар сиирэ тардан ылбыттар. Хаан
тахсыбытын, ыалдьан ытаабыппын өйдүүбүн диэн ийэм,
сороҕор санаата кэллэҕинэ, кэпсээччи. Онтон ыла кини,
атын дьахталлартан уратыта, ытарҕа диэни хаһан да
иилиммэтэҕэ. Кыргыттара иилиммиттэрин көрдөҕүнэ,
абааһытын устан кэбиһиҥ диэччи. Онтон аҕам өттүттэн —
Степной Дума кылаабынай родоначальнига, Бороҕон улуу-
һун кулубата Уйбаан Мигалкин диэн баара. Өссө ааспыт
үйэҕэ.
— Уйбаан, былыр сахалар туттар тэриллэрин эҥин-
эгэлгэ оһуордаан, уус киһи бэйэтин баай фантазиятынан
тупсаран, араастаан сиэдэрэйдээн олус чочуонай гына
оҥороллоро. Билигин итинник иһиттэри хомуйбатахха, со-
тору кэминэн адьас сүтүөҕэ. Дьон-сэргэ билиитэ-көрүүтэ
сайыннаҕына, улаханнык сыаналыы үөрэниэхтэрэ. Эн эдэр-
гин, мус, биһиги көлүөнэ сыыһатын хатылаама, ол гынан
баран наһаа үлүһүйбэккэ, наар чугас аймахтаргыттан
хомуй, билбэт дьоҥҥуттан ыла сатаама.
Кырдьан олордоххуна, былыр Уйбаан биһигиттэн ал-
быннаан ылбыта диэн, саҥалаах-иҥэлээх буолуон эмиэ сөп.
Былыргы өтохтөн эмиэ хомуйума, сыстыганнаах ыарыы,
сэт-сэлээн диэни истэр инигин?
Мин 1974 сыллаахтан ыла, сүүрбэччэлээх уолчаан сыл-
дьаммын, былыргы иһити-хомуоһу, туттар тэрили, таҥа-
ра күлүктэрин аймахтарбыттан хомуйан барбытым. Биир-
гэ төрөөбүт 12 киһи буоларбытынан, чороону, кытыйаны,
таҥара күлүгүн барытын 12-лии устууканы хомуйбутум.
Өбүгэлэрим былыргы ыскааптарын, остуолларын, араас
бытархай малларын-салларын булаттаабытым.
Кэргэмминээн Зоя Васильевна Мигалкиналыын 1993
сыллаахха тэрийбит В.А.Протодьяконов-Кулантай аатынан
музей-комплекспыт 9x9 квадратнай метр иэннээх сахатын
балаҕаныгар ол муспут коллекциябын көрдөрүүгэ туруо-
рабын.
* * *
Семен Петрович Данилов наһаа үлэһит поэт этэ. Ханна
да сырыттар өрүү суруйан тахсара. Москваҕа хастыы да
хонноҕуна, миигинэн көтөх муҥунан кумааҕыны бырахта-
рара. Хоһооннорун сороҕор ааҕар хаһыатыгар суруйар
эбит этэ. Билигин мин кэмсинэрим диэн — черновой оҥос-
тубут элбэх да хаһыатын урнаҕа бырахпыппын... Кини ха-
һыаты араас өттүттэн эргитэ сылдьан суруйара. Мин ха-
һыаты барытын ылыахпын сөп этэ да, Семен Петровичтан
кыбыстарым, наһаа да харам эбит, саҥаны атыылаһары-
гар харчытын харыстаан, мин бөххө бырахтарар хаһыат-
31