Page 36 - Иван Мигалкин Күн таммаҕын ыһыспыт дьылҕалар

тарбын хомуйан эрэр диэҕэ диэммин! Кэлин наада буолуо
диэн, икки-үс эрэ хаһыаты ылбытым. Ону да бэйэтиттэн
көҥүллэтэн.
Ол хаһыаттарбыттан биирдэстэрэ “За рубежом” 1976
сыллааҕы 1 №-рэ. Бу хаһыат ыраас өттүгэр, ойоҕоһугар,
Семен Данилов биир хоһооно элбэхтэ көннөрүллэ-
көннөрүллэ суруллан иһэн хаалбыт. Ону билиһиннэрдэххэ
маннык:
Саадаҕын үс төгүл курданан
Уол оҕо кииллийэр диэччилэр,
Варшава үс төгүл умайан
Үсүһүн бу ордук киэркэйэр.
Варшава эр бэрдин кэриэтэ
Эдэрэ, эрчимэ, кэрэтэ.
Киэркэйэр саҥатык, модуннук
Октябрь халлаанын аннынан,
Поляктыы булугас өйдөөхтүк
Поляктыы ПНР былааҕын...
Семен Данилов бу хоһоонун бастакы строфатыгар бас-
такы уонна үһүс строкаларыгар бастаан “үстэ курданан”,
“үстэ умайан” диэбит. Онтун үрдүнэн көннөртөөн “үс төгүл”
диэн суруйбут. Эмиэ бастакы строфа төрдүс строкатыгар
“дьэ ордук киэркэйэр” диэн этиигэ Семен Петрович “дьэ”
диэн тылын ылан бырахпыт уонна “бу” диэн тылынан сол-
буйбут. Кини оччолорго төһө да аатырар суруйааччы буол-
лар, хас биирдии хоһоон суруллуутугар олус эппиэтинэс-
тээхтик сыһыаннаһан үлэлиирин мантан көрөбүт.
Мин оччолорго уһуну-киэҥи толкуйдуурум буоллар, Се-
мен Данилов бырахтарар хаһыаттарын мунньан иһиэхтээ-
ҕим! Эдэр сааска ханнык да улахан киһиэхэ өлөр өлүү
өҥөйүөхтээҕин туһунан санаабат этим... Бу хаһыаттар би-
лигин бааллара буоллар, Семен Данилов поэзиятын үөрэ-
тэр литературоведтарга биэрэн, кыра да буоллар, бэйэм
өттүбүттэн көмөнү оҥорорум хааллаҕа! Кэмсиммит иһин,
олох салгыы устарын кубулуппат — ааспыты сотон, инни-
ки саҥа саҕахтары кимиэллээхтик арыйан...

* * *

Семен Данилов үгүс доҕотторуттан сорохторун кытта
миигин сирэй билиһиннэртээбитэ. Онон сүүрбэлээх студент
уол, урут кинигэлэрин эрэ ааҕар улахан суруйааччылар-
бын кытары, төһө да түҥкэтэх алаастан сырыттарбын,
эн-мин диэн кэпсэтэр үрдүк чиэскэ тиксибитим.
Калмыкия народнай поэта Давид Кугультиновы көр-
32