Page 50 - Иван Мигалкин Күн таммаҕын ыһыспыт дьылҕалар

Иккиһинэн, бэйэҕин критическэйдик сыаналанар, “Мин
эрэ бэрпин!” — дэммэт эбиккин. Итинник бэйэни, бэйэ
дьайыытын сыаналанар, ыараҥнатар, үчүгэйиттэн куһа-
ҕанын араарар эрэ дьонтон дьиҥнээх киһи тахсар. Үсүһүнэн,
эн бэйэҥ үчүгэйдик, саха аатын түһэн биэрбэт гына, нос-
тойууннук сылдьар эбиккин.
Мин эн суруккуттан биир ылымматтаахпын. Ол ылым-
мат суолум миигин дьиксиннэрэр. Ити эн “арыгыны үөрэ-
көтө, таптаан иһэр этим” — диэн. Ити сымыйа. Дьиҥинэн,
эн мэнигилээн, киэптэҥэлээн иһэр эбит буолуохтааххын.
Өскө ити идэҕин, мэнигилээн, киэптээн иһэр идэҕин бы-
рахпатаххына, кирдьик, иһээччи буолуоххун сөп. Онно
тиийдэххинэ — ол ынырык трагедия. Киһи быһыытынан
эстэҕин, дууһаҥ кураанахсыйар. Аҥардас кыһалҕаҥ, өйүҥ-
санааҥ, олоҕуҥ бүтүннүүтэ даҕаны биир үрүүмкэ арыгы
сыаната сыаналанар.
Ону эн бэйэҥ даҕаны өйдүүр эбиккин быһыылаах. Чэп-
чэки олох уххааныгар охсуллуу, арыгыһыт буолууга —
подвиг, киһи киэмсийэрэ хааппыла да суох. Ити олус чэп-
чэки, олус судургу, ким баҕарар кыайар суола. Оннук
кыдьыктаах киһи, ол кыдьыгын быраҕара, куһаҕан адьы-
нат ымсыытын эр санаалаахтык саба баттыыра, куһаҕан
эркиннээх, онно кучуйар доҕоттортон тэйии — дьэ, кир-
дьик, киһи кэрэхсиир, хайгыыр суола, подвиг.
Эн киһигин, кытаанах санаалааххын итиннэ көрдө-
рүөхтээххин.
Мин кэмминэн, кырдьаҕас киһи сиэринэн, букунаһа,
үлэлии-хамсыы сылдьабын. Доруобуйам тутаҕа мэһэйдиир.
Онтон ылата барыта этэҥҥэ.
Дьокуускайга улахан сонун суох. Барыта уруккутунан.
Үбүлүөйдэр, наҕараадалар элбэхтэр. Олор сууйуулара
сылатар. Холобура, Анегина Ильина РСФСР госпремия-
тын лауреата буолла. Тобуруокап, Руфов үбүлүөйдэрэ буо-
лан ааста. Мунньахтар олус үгүстэр.
Чэ итинник.
Уруйу кытта С.Данилов
Р.С. Мин эйигин төһө да мөхпүтүм, кыһыйбытым иһин,
дьиҥнээхтик кэлэйэ илик этим, хаһан да ыкка бырахпата-
ҕым. “Мэнигилээн, киһиргээн ол-бу буолар” дии саныы-
рым...
* * *
“Атырдьах ыйын 10 саҥата, 1978 сыл,
куйаас Сэргэлээхтэн.
Бүгүн + 32°.
Уйбаан, дорообо доҕор!

46