Page 88 - Иван Мигалкин Күн таммаҕын ыһыспыт дьылҕалар

утуйдун!” — диэн, көрүһүннэрбэтэхтэрэ. Билигин билби-
тим — балыыһаҕа киирбиккин...
Ити хайдаҕый?
Мин Москваҕа баарбына, эн поэттары ааҕан арыйар,
театрга сылдьар, биир дойдулаахтаргын үөрэ-көтө айхал-
лаан көрсөр, туҥуй ыраас уолчаан этиҥ.
Өйдүүгүн дуо били түүнү быһа иккиэ олорон, чэй иһэ,
кус сии кэпсэтэрбитин? Түүнү быһа Алампа хоһооннорун
ааҕарбытын?
Эн биһикки оччоҕо биирдэ даҕаны арыгы аһы иккиэ
олорон амсайбатахпыт, мин эйиэхэ бэл биир бакаал кы-
һыл арыгыны хатаҕалаабакка бартым, арай пиибэ көрдөөн
иһэр буоларыҥ.
Ол үчүгэй этэ. Мин бэйэм иһэр тус дьонноох этим...
Ол аастаҕа. Эн да, поэт уонна дохсун эдэр эр бэрдэ
арыгы иһэр кэмиҥ кэллэҕэ. Ханжа буолбатахпын, бопсуом
суох.
Сатаан иһэр наада — били биһиги уолаттарбынаан кэп-
сэтэ, хоһоон ааҕа олорорбутун билигин да харааста ахтабын.
Мээнэ, аһары иһэр куһаҕан. Москва эдэр поэттарын
көр — иһэллэр, иэмнэрин билэллэр.
Эн да кэмҥин-кээмэйгин быһаарын. Тиһэх сылларгар
кытаат. Дипломуҥ үйэҕэр аһатыа.
Бу сытан дириҥник толкуйдаа.
Талаан эйиэхэ баар — харыстаа.
Уйбааныска!
Эмиль Верхарн хоһооннорун, толору соҕус томун булан
булгуччу аах.
Ити баар — дьиҥнээх билиҥҥи дириҥ поэт.
Кини этэрэ:
Люблю свой острый мозг, огонь своих очей,
Стук сердца своего и кровь своих артерий,
Люблю себя и мир, хочу природе всей
И человечеству отдаться в полной мере.
Жить: это — взяв, отдать с весельем жизнь свою...
и т.д.
Улуу хоһоонньут!
Сэттэ уон үспүн
Сарсын туолабын.
Сүрэх тэтимэ
Билигин да баар...
Поэт, кэхтимэ,
Туойан биэр, чугдаар!
Ити Эллэй кэхтибэт кэриэһэ.

84