Page 91 - Иван Мигалкин Күн таммаҕын ыһыспыт дьылҕалар

Эн поэт, саха поэта буоларгын хаһан да умнума!
Олоххор араас омнуолары көрсүөҥ, уурастаан ылыаҥ
— онтон санааҕын самнарыма.
Көннөрү мөдөөт, сыппах киһи поэт буолбат.
Туйгуннук Армияҕар сулууспалаа!
Туҥуй оҕо 1978 сылга үгүс үөрүүнү бил, айар үлэҕэр
чыккымайдыы, мородолуу сылдьыма, көҕөннө, хааста ох-
тор, баҕар эһэни сааһылаа!
Дьэргэй!
Якутскай эбэттэн Ньукулай Хаабыһап.
31/ХП-1977 сыл”.
* *

“... Уйбаан Уолан!
Дьокуускай кэминэн турар. Суруйааччылар уу-чуум-
путук нусхаччы олоробут, иирсээн үйэтэ уурайда. Бары
өлүөрбүт.
Аны кыһын уочараттаах съезд буолар.
Мин “Романовка” туһунан пьесабын туруора иликтэр.
Ленинградка улахан научнай үлэм редакцияланар, “Ойуу-
нускай олоҕо” үлэм 1980 сылга тахсыа үһү.
Ромаммын ыксаталлар, бэйэм ылан көннөрөн бытаар-
дым. Нууччалыы сэһэммин, пьесабын (БАМ ыччата) тох-
тоттум.
Нэһирдим уонна сылайабын.
Бэҕэһээ Уус-Алдантан киирдим —- үс хоннубут, эдэр
суруйааччыларга семинар ыыттыбыт. Талааннаах поэт Вася
Саввин баар эбит.
Саргылаана Мигалкина (6 кылаас оҕото) прозаҕа кэм
сыһыаннаах. (Николай Алексеевич бу оҕо аатын бутуйбут.
Кини Сардаана диэн. Мин тастыҥ балтым. Билигин Якут-
скайдааҕы телевидениеҕэ үлэлиир.)
Поэт уолаттар эйигин, Толя Старостины үтүктэллэр
эбит диэн буолла. Улуро Адо, Сеня Руфов, редактор Ге-
расимов сырыттыбыт.
Дүпсүҥҥэ көрүстүбүт. Музейы хайҕаатыбыт. (Н.А.
Дүпсүннээҕи космонавтика музейын этэр буолуохтаах.)
Мин Реас Кулаковскайга суруйааччы союһун киниис-
кэтин илдьэн туттардым. Оҕонньор олус үөрэр. Бороҕоҥҥо
олохсуйбут.
“Чороон” түмсүү бөҕөргөөтө, үлэлиэ.
Оҕо поэт уолаттар бааллар, үчүгэй.
Эн суруйбат кэмнэммитиҥ баар буолуохтаах, ол кэмҥэ
ыанньыйыаҥ, ханнык эрэ өй хайатыттан тахсан ааспыт
суолгун анааран көрүөхтээххин.

87