Page 86 - Иван Мигалкин Күн таммаҕын ыһыспыт дьылҕалар

Ленин сааһын ситтим — 54.
Өлөр чугаһаан иһэр...
Тулуспахтыыр инибин.
Дьэ аатырар айымньыбын айдым, буолаары буолан —
нууччалыы. Оннук кэм.
“Романовка” кыһыл былааҕа” драманы бүтэрдим.
Өссө биир аныгы комедияны суруйуом.
Уонна үлэҕэ киирэн эрэбин. Суруйарбар мэһэйдээбэт,
үлэ чааһа суох үлэни көрдөспүтүм.
“Хотугу сулуска”, издательствоҕа үлэлиир кыаҕым суох
— корректураттан харахпын харыстыыбын.
“Хотугу сулуска” Савва оннугар Вася Яковлевы дьэ
сордоон-муҥнаан бигэргэттибит.
Чэ, суруйаар! Ньукулай убайыҥ.
12/1Ү-76 сыл. Якутскайтан”.
* * *

“Эдэр доҕорум Уйбаан Кэрэл, эбэтэр көннөрү — уолум,
мэник студент Баанньа!
“Романовка” кыһыл былааҕа” диэн пьеса суруйан, са-
һан сырыттым. Онтум 128 страница саллайан тахсан, үс
аҥаар чаас 30/1У (бырааһынньык иннигэр аҕай) ааҕан,
хата дэлби мөҥүлүннүм.
Отой өйдөөбөтүлэр, роман суруй диэн сүбэлииллэр. Дьэ
Сүөһүкээннэр!
Быраатым кылгата ылан уоскутта.
Өйүүн Өймөкөөҥҥө, Усть-Ньараҕа обком биригээдэтин
кытта барсабын — Амма Аччыгыйа, Болот, Эртюк-заде,
Левин уол, Вася Яковлев, өссө художниктар, артистар,
музыканнар.
Иркутскай киностудияны кытта “Полюс холода” диэн
киносценарийга дуогабардаахпын (650 солк.). Онон Никандр
Саввинов барсар. Хаалан үлэлии түһүөхпүт.
Куһу 14/У диэки көҥүллүүр үһүлэр. Онно кэлэн кус-
таһыам этэ.
“Ытыс саҕа кэпсээннэрим” субу кэлэр, ыытыам. Оҕо
ытыһын саҕа кинигэчээн буолуо.
Суруйар буол. Ньукулай.
Ыам ыйын 2 күнэ, 1976 сыл. Якутскайтан”.

* * *
“Уйбаан (Кэрэлиҥ сыстыбата дии — олус минньигэс
этэ)!
Чэ, Мигалкиннары аатырт.
82