Page 85 - Иван Мигалкин Күн таммаҕын ыһыспыт дьылҕалар

Суруйар буол. Ньукулай оҕонньор. Кулун тутар 25 күнэ,
1976 сыл. Дьокуускай”.
* * *

“Үчүгэй уол Уйбаан Кэрэ Эр!
Эҕэрдэҕин туттум. Махтанабын.
Дойдубар кэлэн, Эллэй этэринии, “Кини сырдык хал-
лаанын анныгар, сымнаҕас, сылаас сүөгэйин истим”, саас
олус эрдэ кэллэ.
Манна биир нэдиэлэ ханна да быкпакка олорон (ону
сатыыр буолбуппун Москваҕа кэлин көрбүтүҥ), 4 сыл
муҥнаммыт “Романовка” кыһыл былааҕа” диэн пьесабын
бүтэрэн кэбистим.
Дуогабардаах үлэм. Саха театра туруоруо.
Үһүс сылын тура сылдьар, дьону күллэрэр “Бэйэ ки-
һитэ” диэн комедиябын Софрон сайын “Хотугу сулуска”
таһаарар буолла, бэчээттэтэн эрэр.
Эллэй эн хоһоонноргуттан уончаны талан, “уол үүнэр
эбит” диэн редакциятыгар ыыппыт...
Эн ити Эллэй талкытын ааспытыҥ — улахан ситиһииҥ.
Кылаабынай редактор Егоровтан сураһыам. Солбуйааччы-
нан Савва оннугар Вася Яковлев дьэ ананна. Правлениеҕа
бигэргэттибит.
Сотору мин “Ытыс саҕа кэпсээннэрим” муоһа, туйаҕа
сарбыллан тахсыа, ыытыам.
Били Гаграттан миэхэ суругуҥ кэллэ ини? Манна
ыытаар...
Аревуар! Суруйар буол эрэ...
Н.Габышев. Муус устар 9 күнэ, 1976 с.”

* * *
“Уйбаан! Эллэй куолутунан (түөһэйэн) булкуйбут. Хо-
һоонноруҥ “Хотугу сулус” сурунаал субу тахсар 4 №-гэр
бэчээттэммит эбиттэр. Тобуруокап поэмата — 5 №-гэ ааҕыл-
ла сылдьар.

Төрөөбүт күммүнэн уруйдаабыккар эйиэхэ, оҕолорго
Махтал! (Николай Алексеевич ити “оҕолорго” диэн тылбаас
группатын студеннарын ааттыыр: Илья Сивцеви, Петр
Попову, Альбина Федорованы, Альбина Слепцова-Бори-
сованы, Мария Терехованы-Алексееваны, Саргылана Кор-
нилованы-Ноговицынаны, Аита Шапошникованы, Вален-
тина Далбараеваны-Сыроватскаяны.)
______ 81
6 Заказ ЛГ? 26