Page 90 - Иван Мигалкин Күн таммаҕын ыһыспыт дьылҕалар

Софрон эдэрдэр хоһооннорун олус кэйгэллээбитэ, онно
эн эмиэ түбэстиҥ этэ.
— Саамай бастыҥнарын эрэ талан ыыталыам, — диэн
кытаанахтык оҥостуммута.
Эйигиттэн баара-суоҕа чороҥ биир хоһоон чылыбыр
гыммыта: “Арылхай киэҥ харахтарынан”. Уоннааҕытын
сыыйдаҕа.
Ол 8-с нүөмэр субу тахсар.
Критика салаатыгар Коля Харитонов “Чэчирдэри”
ырыппыт.
Эн саҥаны көрдүүргүн өйдөөбөтөх. Дьахтар тыҥыраҕа
умайарын курдук сонун обраһы сиилиир эҥин...
Суруйааччылар сайын аҕыйахтар.
Сонуммут суох. Моисей—Дубултыга. Семен Данилов айан
олорор.
Онон — Москвалаа, охсус, институккун бүтэрэ сатаа.
Сергей Смирнову да көмөҕө көлүй... Диплом наада.
Мин прозаҕа умса сытабын...
Үөрэбин — уолаттар бэркэ суруйаллар.
Ньукулай Хаабыһап.
Якутскай куораттан. 17/ҮШ-1977 сыл”.
* * *
“Уйбаан! Аадырыстаах суруккун 31/XII туттум. Эҕэр-
дэҕэр — махтанабын.
Эн аадырыскын урут Тобуруокаптан сураспытым да —
биллэрэ илигэ.
Онон бастаан суруйабын.
Үчүгэй, намыын 1977 сыл ааста.
Мин суруйдум “БАМ бастыҥ кыыһа” диэн пьеса (коме-
дия) уонна “Ойуунускай олоҕо” (6 бэч.лиис) диэн Литму-
зейга научнай үлэ, ромаммын, былааҥҥа баарын үрдүнэн,
77 сылга үмүрүтэн киллэрбэтим. Астыммаппын.
Биэс-алта роман “Хотугу сулуска” киирдилэр, оччо
бэттэрэ суох, наар олох ньоҕойо.
Софрон поэт-кыргыттары муста. Олус мындырдык та-
лар... Саха поэзиятын тупсарар, дириҥэтэр соруктаах.
Эн хоһоонноргун армияттан диэн ыыт. Мин өйөһүөм.
Армияҕар төһө өр буолаҕын? Институккун бүтэрэр
инигин? Туох эйиэхэ наада?
Харчы ыытар сатаммата дуу? Ыытыам этэ, хайдах
ыларгын быһааран суруй. Саллаат да буолларгын, киһи
буоллаҕыҥ, ханна эмэ быгыалыыгын дуо? Эйиэхэ кэлэ
сылдьаллар дуо?
Хоһоон суруйар инигин?
8 6