Page 120 - Иван Мигалкин. Сүрэхтэн саҕыллар санаалар

Давыдовна бары нууччалыы ааттаахпытын дьиктиргээбитэ. Арай
Саргыбыт аатын хайҕаатылар. Онуоха Николай Алексеевич бу
аат ис хоһоонун быһааран: «Дьол», — диэтэ. Уопсай кэпсэтиибит
кинигэ ыскаабын үрдүгэр турар ус атахтаах чороонтон саҕалан-
на. Владимир Васильевич кэргэнинээн чороону хайдах өрөмүөн-
нүөххэ сөбүн ыйыттылар.
Остуолга олорбут кэннэ, Николай Алексеевич Саха сирин
кыылларын, аан бастаан баабыры өлөрбүттэрин уонна мамонт
(УУ оҕуһун) муоһун булалларын дьиэлээхтэргэ кэрэхсэтэр гына
кэпсээбитэ. Онуоха Державин кырдьаҕас:
— Мамонт диэн тыл — эстонскай тыл, кини сир кутуйаҕа диэн
быһаарыллар. — Онтон салгыы: — Эһиги, сахалар, наһаа сэмэй
дьоҥҥут, ол иһин эһиги культурааытын, литератураҕытын би-
лээччи адьас аҕыйах. Олоҥхоҕут дьиҥэр «Хотугу дойду Одиссея-
та» буолар. Мин 12 сыл тылбаастаатым. Үлэлиир кэммэр Ойуу-
нускай өйүн, талаанын сөхтүм. Эһиги олоҥхоҕутунан 1962 сыл-
лаахтан дьарыктанным. Үлэлиир кэммэр Семен Петрович Дани­
лов улаханнык көмөлөстө. Маны тэҥэ Иннокентий Пухов көмөтө
улахан. Кинилэргэ махтанабын.
Владимир Васильевич саха худуоһунньуктара Карамзин, Оси­
пов, Парников, Сивцев, Мунхалов иллюстрацияларын хайҕаата.
Кини тылбааһын көмөтүнэн аҕыс Ленинскэй уонна уон алта Ста-
линскай бириэмийэлэри бырааттыы омук суруйааччылара ыл-
быттар. Крейцвальд төрөөбүт норуотун үһүйээннэригэр олоҕуран
хомуйбут «Калевипоэг» диэн эстонскай эпоһы тылбаастаабыта
кыраныысса таһыгар тиийэ хамаҕатык атыыламмыт. «Ол эрээ-
ри эрдэ тылбаастаабыт үлэлэрбин аахсыбатахха, билигин —
олоҕум соругунан бүтүн дьыалатынан — олоҥхо буолла», — диэ-
битэ Владимир Васильевич.
Кини тахсыахтаах олоҥхобут кинигэтэ 36 иллюстрациялаа-
ҕын, олор бары үрүҥ көмүс чеканка курдуктарын, кинигэ буолан
таҕыстаҕына, кыраныысса таһыгар барытын атыылаһан ылыах-
тарын сөбүн күлэ-күлэ эппитэ. Сити кэнниттэн Кыра Аля (биһиэхэ
икки Алялар бааллара: сааһынан, уҥуоҕунан улахана — Альбина
Федорова, сааһынан, уҥуоҕунан кырата — Аля Слепцова диэн-
нэр) олоҥхо тылбааһын аахпытын бары олус сэргээн истибиппит.
Владимир Васильевичка сүдү тылбааһын иһин махтаммып-
пыт. Кыра Аля: «Туйаарыма Куону» хайдах тылбаастаабыккы-
ный?» — диэн ыйыппытыгар Владимир Васильевич маннык
быһаарбыта: «Мин тылбаас үлэтигэр, хайа да омук тыла буол-
лун, кырдьыктаахтык уонна эрэллээхтик сыһыаннаһабын. Ориги-
налыттан хаһан да көҕүрэтэ сатаабаппын», — диэбитэ. В. В. Дер-
116