Page 115 - Иван Мигалкин. Сүрэхтэн саҕыллар санаалар

Онно киэһээҥҥибитин аһыыр буоллубут. Араас өҥнөөх уот-
тар чаҕылыһан, ВДНХ киэһэ тупсубута сүр. Дьон аҕыйаан, хаа-
марга, күүлэйдииргэ наһаа үчүгэй. Салгына сип-сибиэһэй.
«Каменный цветок» уонна «Золотой колос» фонтаннар таста-
рынан ааһан истэхпитинэ, Николай Алексеевич бу фонтаннары
оҥорбут аатырбыт скульптор Прокопий Добрынины кытта билси-
битин, кини айар үлэтин, киһи быһыытынан сүрдээх аламаҕайын
кэпсээбитэ. Дьокуускайга төрөөбүт нуучча буоларын, кэлин наар
Москваҕа олорбутун, сахаларга үчүгэй сыһыаннааҕын, кинилэ-
ри көрүстэҕинэ үөрэрин эппитэ. Кэлин мин эмиэ бу фонтаннар
тастарынан аастарбын эрэ, саха дьонугар Николай Алексеевич
кэпсээнин хатылаан, «элбэҕи билэрбинэн» сөхтөрөрүм...
Николай Алексеевич, Проня Чуукаар уонна мин буоламмыт
ВДНХ рестораныгар тото-хана аһаабыппыт, Оччолорго арыгыны
олох испэт буоламмын, кинилэр биир иһит сухой арыгыларыгар
кыһаммакка, рестораҥҥа кэлбит дьон таҥаһын-сабын, хайдах
туттан-хаптан аһыырын, тыа киһитин үгэһинэн, кэтээн үөрэп-
питим. Эчи, маанылара сүрдээх! Аһыыллара да культурнайын!
Барыта лоп бааччы, тупсаҕай. Киһи көрө олоруон курдук. Мин
олохпор ити аан бастакы рестораным эта. «Метрополь», «Пе­
кин», «Берлин», «Прага» рестораннарга сылдьан баран санаа-
тахха, били хайҕаллаах ВДНХ рестораным 050 оонньуута эбитин
билбитим. Мин курдук тыа дьонугар аналлааҕын өйдөөбүтүм.
Николай Алексеевич ураты ылбаҕайдык кэпсээн бардабына,
олох туһунан санаата, тапталы хайдах өйдүүрэ, айылҕаны кэтээн
көрүүтэ, Саха сирин историятын уонна нуучча, омук литерату-
ратын билэрэ — сааһыттан уонна үөрэҕиттэн, билиититтэн уон­
на культуратыттан, омугуттан тутулуга суох киһиэхэ барытыгар
сүрэҕэр тиийэрдик киирэллэрэ.
Дэлэҕэ да, А. М. Горькай аатынан Литературнай институт
уопсайыгар Николай Алексеевич олорбут 207 №-дээх хоһо араас
омук суруйааччылара мустар, кэпсэтэр, санааларын атастаһар,
саҥа айымньыларын ааҕан билиһиннэрэр литературнай салон-
нарыгар, оттон бэйэлэрэ ааттыылларынан, «штаб-квартирала-
рыгар» кубулуйуо дуо?
Кини 51 сааһын туолан баран, Үрдүкү Литературнай кууруска
(Высшие Литературные куурусы — ВЛК) үөрэммитэ. Инньэ гынан
бэйэтин күлэ-күлэ саамай аҕа саастаах «устудьуонунан» аатта-
нара.
Бу хоско мин Болгария поэтессата, олус кыраһыабай дьүһүн-
нээх Валя Радинска, оччотооҕу Сойууска киэҥник биллэр нивх
суруйааччыта Владимир Санги, бүрээт биллиилээх суруйааччы-
111