Page 118 - Иван Мигалкин. Сүрэхтэн саҕыллар санаалар

дугдуруҥнуур. Хотуна барахсайан чонолдьуйан кэм да холку,
дьүһүнүн оҥостунар, аччыктаабатах курдук туттар ээ.
Инньэ гынан такси тутан, лиэксийэбитигэр кыл мүччү баттас-
пыппыт.
Дойдубутуттан ыраата сылдьар буоламмыт ахтылҕаммытын
таһааран, Николай Алексеевичтыын киэһэ адьас хойукка диэри
чэй иһэ-иһэ сэһэргэһэрбит:
— Уйбаан, сарсын Илья Глазунов быыстапкатын көрө барыах
эрэ. Эйигин сырытыннараары бүгүн сылдьыбатым. Аттынан эрэ
аастым.
— Ханнык уулуссаҕа буола турарый?
— Институппутуттан адьас чугас. Горькай уулуссатыгар.
— «Огонёк» сурунаалга Чили туһунан уруһуйдар бааллара.
Сальвадор Альенданы кини суруйбута дуо?
— Кини. Худуоһунньуктар хартыыналарын көрө, өйдүү үөрэн,
идея биэриэхтэрэ. Сорох ардыгар худуоһунньуктар бэйэлэрин
кэмнэригэр өйдөнөөччүлэрэ суох. Холобур, Ван Гог тыыннааҕар
биир эрэ хартыыната атыыламмыта. Өлбүтэ хас да сыл буолтун
кэннэ, олус улахан сыанаҕа акварела, живопиһа, уруһуйдара
былдьаһыгынан баартара. Онтон сүүрбэ сыл буолан баран, ис­
кусство ырыынактарыгар номнуо Ван Гогка подделкалары оҥор-
туур буолтара.
Биһиги Пушкин эбэтэр Гете диэн саҥарар буоллахпытына,
туох да эпитет, комментарий наадата суох. Бу — норуот нацио-
нальнай талааннара, ол курдук, Литваҕа Чюрленис аатын аат-
тыыллар. Кини — композитор, худуоһунньук, поэт, — диэн кэпсэ-
тиибитин саҕалаабыта Николай Алексеевич.
— Модернизм диэн тылы хайдах өйдүөххэ сөбүй? Нуучча
атастарбыттан кыбыстан ыйыппаппын. Оннооҕор кинилэргэ Ан­
дрей Вознесенскайы өйдөөбөппүн диирим буоллар, акаарынан
ааҕыахтар этэ. Дьиҥнээхтии, олох өйдөөбөппүн. Тугун иһин
сөбүлүүллэрэ буолла? Гете, Байрон, Уитмен, Маяковскай, Лер­
монтов миэхэҕэ чугастар. Саамай сөбүлүүрүм Тютчев, Баратын-
скай, Блок.
— Модернизмы эн өйдүүргүнэн быһаарар буоллахха, эти-
мологическай өйдөбүлүнэн бу термин — модерн, ол аата сака
диэн тылтан тахсар сака искусство. Холобур, «мода» диэн тыл
олоҕунуун биирдэр. Эн Эмиль Золя «Творчество» эбэтэр Фло­
бер «Утраченные иллюзии» кинигэлэрин аах. Элбэҕи билиэк. Уй­
баан, арааһа, эйиэхэ тугу аабыахтааххын испииһэктээн биэрии-
һикпин. Элбэҕи билэр, ааҕар киһи суруйааччы буолан тахсар.
Итиэннэ хайа да кыыстан кини кэрэтин сатаан арыйан көрөр буол-
114