Page 119 - Иван Мигалкин. Сүрэхтэн саҕыллар санаалар

лаххына, поэт буолуоҥ! Кыыс кэрэтин мээнэ киһи сатаан көрбөт,
кинилэргэ биирдиилэригэр ураты таайтарыылаах кистэлэҥ баар.
Сарсыныгар Николай Алексеевич биэрбит испииһэгин ааҕан
көрбүтүм: О. Генри, Павезе, Фейхтвангер, Томас Манн, Анна Ах­
матова, Марина Цветаева, Уваровскай ахтыылара, Даль уонна
Пекарскай тылдьыттара, Бетлинг «Саха тылын туһунан» научнай
үлэтэ, Шекспир, Лопе де Вега, Гийом Апполинер, Э. Хемингуэй,
Акутагава Рюноскэ, Лу-Синь, Джон Стейнбек, Сильфида, Андре
Моруа, Платон, Роберт Бернс, Рафаэль Альберти уонна да атыт-
тар суруллубут этилэр. Кырдьыгынан эттэххэ, үйэбэр истибэтэх
дьонум ааттара бааллара, итиэннэ сорохторун кыайан да таба
саҥарбат ыарахан тыллаах ааттарым этилэр. Николай Алек­
сеевич олортон туох суруйуулары аахпыппын хонтуруоллуура.
Аахпыт буоллахпына, хайгыыра, өйдөөбөтөхпүн быһааран биэ-
рэрэ. Кини «экзаменнарын» эрдээхтик аастахпына, босхо ханна
эрэ эбиэттэтэрэ.
Сынньалаҥ кэмигэр Николай Алексеевич ас астыырын, крос-
свордары таайарын сөбүлүүрэ. Киһи севере баар: «Огонёк» су-
рунаал кроссвордарын аҕыйах мүнүүтэ иһигэр таайан кэбиһэрэ.
Үөрүйэҕэ оччо диэҕи, билиитэ-көрүүтэ дириҥэ сыттаҕа. Кини
билбэт уобалаһа диэн суоҕун кэриэтэ этэ. Ол эрээри араатар
быһыытынан олус мөлтөҕө. Николай Алексеевич остуолга опо­
рой кэпсэтии сүдү маастара, көрдөөх-нардаах кэпсээнньитэ...
Сорох араатар ааттааҕа тылы сатаан таба ыпсаран суруйбат
буолааччы. Маннык дьону хаһыаттарга үлэлии сылдьан билби-
тим. Н.А. Габышев нууччалыы, сахалыы тылынан грамотнай су-
руксут. Николай Алексеевич астаабыт аһа өрүү минньигэс, бэйэтэ
этэринии, «Хойуу, сыалаах-эттээх, адьас уу сахалыы» буолара.
1974 сыллаахха ахсынньы 17 күнүгэр Николай Алексеевич
салайыытынан Прокопий Чуукаар уонна тылбаас бөлөҕүн оҕоло-
ро: Петя Попов, Саргылана Корнилова, Аля Слепцова уонна мин
буолан, саха олоҥхотун тылбаастаабыт үтүөкэннээх киһиэхэ —
Владимир Васильевич Державиҥҥа ыалдьыттаабыппыт. Ки-
нилэр дьиэлэригэр киирээри туран, бу историческай суолталаах
прием диэммин, кыргыттартан чаһыы хас буолтун чуолкайдаспы-
тым. Дьиҥэр, ити дьээбэлэниим этэ. Лоп курдук киэһэ 4 чааһы
5 мүнүүтэ ааһыыта. кыбартыыра аанын тоҥсуйбуппут.
Сылаас дьиэҕэ киирэн, сыгынньахтанан, билсистибит.
В.В. Державин кэргэнэ бэйэтиттэн балыс көрүҥнээҕэ, Тамара
Давыдовна диэн ааттаах, кинини көрөөт, еврейка дии санаабы-
тым. Биһиги үөрэнэр кэммитигэр үгүс биллиилээх суруйааччы-
лар, тылбаасчыттар кэргэттэрэ еврей омукбуолаллара... Тамара
115