Page 117 - Иван Мигалкин. Сүрэхтэн саҕыллар санаалар

лар. Кинилэри кытта туспа идэлээхтэриттэн иҥнибэккэ, Николай
Алексеевич хайа баҕарар тиэмэҕэ бэркэ тапсан, икки өттүттэн
өйдөһөн кэпсэтэллэрэ, мин истээччи эра буоларым уонна онтон
тугу өйдөөн хаалбыппын суруйабын. Холобур, эдэр суруйааччы
буоллаҕына, айымньытын аахтаран истэн баран:
— Кытаат, суруйа сырыт, астыма. Саха талааннаах поэта
Семен Данилов устудьуоннуу сылдьан, кун ахсын иккилии-үстүү
хоһоону айар буолара. Онон тылын-өһүн имитэрэ, форманы мус-
кутара. Өйдөө, аатырар скрипач Паганини эппитин: «Үс күн оон-
ньооботорбун — Паганини буолуом суох этэ». Хата, Анатолий
Виноградов романнарын булан аах. Кини «Осуждение Паганини»
романыгар Паганини олоҕун, ис дууһатын олус бэркэ табыллан
суруйбут.
Поэзия туһунан мөккүөргэ биирдэ:
— Эмиль Верхарн баар — дьиҥнээх дириҥ поэт. Толору соҕус
томун булан булгуччу ааҕыыһыккын, — уонна: — Люблю свой
острый мозг, огонь своих очей... — диэн, балачча уһун хоһоону
Николай Алексеевич өйтөн ааҕан биэрбитэ.
Искусство, архитектура туһунан:
— Ленинград — поэма куорат, маннык куорат аан дойдуга
суох ини. Фольконе пааматынньыгын ылан да көр эбэтэр Рос­
сини сүдү тутууларын, киһи аймах кэрэ искусствота.
Биир сарсыарда хойутаан тураммын, ыксал бөҕөнөн Николай
Алексеевич олорор сэттис этээһигэр таҕыстым. Арай көрдөхпүнэ,
киһим тиэтэйэр сибикитэ биллибэт, мин ыксаан:
— Николай Алексеевич, хайа, барбаппыт дуо! Куоттарар буол-
лубут, сатахха, бүгүн улуу Державин хос сиэнин профессор Дер­
жавина лиэксийэтэ. Кини миигин абааһы көрөр. Үнүр эһэтин
суруйууларын билбэтэбим. Төрүт аахпатах поэтым диэн кэбис-
питим. Кини сиэнэ буоларын билбитим эбитэ буоллар, сахалар
саамай таптыыр поэттара диэм этэ...
— Тоойуом, оҕолорбун, чыычаахтарбын, аһата иликпин. (Са-
наата көтөьүллэн, таптаан ымманыйар куолаһынан.)
— Кыра оҕолордоох эбиккин дии, бэҕэһээ тугу да эппэтэҕиҥ,
аэропорка баран көрсүбэтэҕиҥ ээ. Бүгүн кэллилэр дуо? (Улахан-
нык соһуйбутум, кини кыра оҕолоро суоҕун курдук саныырым.)
— Эс, суох. Балкоммар холууптар кэлэн аһыыр буолбуттара
хас да хонно.
Түннүгү аһан, холууптары көрдөртүү туран:
— Тоойуом, хата туруохтааҕар килиэптэ кыра гына бытары-
тыс эрэ, ол сытар быһыыны. Көрбөккүн дуо? Чыычаахтарбын,
бу көрөн чоҕулуспут харахтарын: атыыра эр киһи аатыран, урут
Ө - 355 113