Page 151 - Иван Мигалкин. Сүрэхтэн саҕыллар санаалар

күүрээннээх ырыаһыта» («Кыым», балаҕан ыйын 25 күнэ, 1977 с.)
ыстатыйатыгар суруйбуттаах.
Оттон биллиилээх суруйааччы Николай Габышев доҕорун
Сергей Васильевы иһирэх, истиҥ тылларынан өрүү ахтара, тиһи-
гин быспакка суруйсара. Николай Алексеевич энциклопедичес-
кай билиилээх-көрүүлээх буолан, поэзияны эмиэ үчүгэйдик өй-
дүүрэ, кини уратыларын иҥэн-тоҥон үөрэтэрэ, билэрэ. Сергей
Васильев хоһоонноруттан элбэҕи нойосуус ааҕара. 1975 сыл-
лаахха Улуу Кыайыы үбүлүөйдээх күннэрин эрэ кэнниттэн, Нико­
лай Алексеевич доҕоро Сергей Степанович суох буолбутун бэркэ
хараастан миэхэ эппитэ. Онтон сотору буолан баран, С.С. Васи­
льев некрологтаах хаһыаты киллэрэн көрдөрбүтэ. Ити киэһэти-
гэр мин «Поэт кэриэһигэр» диэн хоһооммун суруйбутум:
Күннэтэ кэлэр хаһыакка
Көрдүүрүм —
Саҥа сонуну,
Сэргэх кэпсээни, хоһоону...
Билигин, Сахам сириттэн ыраатан
Ааҕабын —
Сахалыы суруллубуту барытын...
Бүгүн аахтым —
Соһуйа... куттана... долгуйа —
Суох буолбут... Сүрэх итэҕэйбэт...
Поэт Сергей Васильев...
Үөр сэттэ туруйа
Кутурҕан санньыар кыланыыта
Дууһабын аймаата ньүөлүтэн,
Күн Эрили
Чаҕылҕаннары бысталыыр батаһа
Уорастыйа тымныйан, хараарда...
Ийэ сиртэн поэт
Үйэлэргэ араҕыста.
Ол аата
Дириҥ сэһэннээх
Биир саханан
Олорор олохпут итэҕэстийдэ,
Биир оҥку үйэлэргэ сүттэ,
Аар сэргэ
Биир оһуора өлбөөрдө,
Далбар сөлөгөйө уолла...
Аймах дьонугар,
Кинини таптыыр ааҕааччыга —
Кэрэ ахтылҕан хааллаҕа...
Поэт Сергей Васильев
Бүгүн суох —
147