Page 152 - Иван Мигалкин. Сүрэхтэн саҕыллар санаалар

Дата харанан төгүрүтүллүбүт...
Ол эрэн бары «хараттан»
Бу хара
Кэрэни өйдөтө турар уратылаах...
Саха литературатыгар С. Васильев курдук ураты суоллаах-
иистээх бөдөҥ поэты сүтэрии ыар кутурҕан күннэрин кэнниттэн
И. Габышев суруйбута: «Биһиги кинини өргө диэри ортобутугар
баар курдук саныахпыт. Норуотун кытта ситимнээх үлэһит киһи,
биллэр суруйааччы олоҕо уһуур. Сергей Васильев диэн саха ли­
тературатыгар ытыктабыллаахтык иһиллэр аат этэ. Төрөөбүт
норуота кинини депутат быһыытынан эмиэ киэҥник билэллэрэ.
Биһиги эдэрбитигэр «Арамаан артыала» поэманы нойосуус би-
лэрбит. Билигин да ити поэма эргэрбэт, тыла-өһө, поэтическай
форматын сонуна өлбөөрбөт. Быһата, кырдьыбат айымньы.
Сэрии кэнниттэн кыракый хоһооно — «Барыта оҕолор иһин» —
сааскы этиҥнии сатараабыта, ким барыта сэриини утарар, эйэни
хоһуйар кэмигэр Сергей Васильев норуот истиҥ санаатын соһуч-
чутук уонна чуолкайдык даҕаны эппитэ. Онтон биһиги билигин
даҕаны араадьыйанан Грант Григорян сыыйыллаҕас музыканан
өссө уһун үйэлээбит «Кыргыттар, уолаттар» диэн Сергей Васи­
льев ырыатын иһиттэхпитинэ, кырдьыга даҕаны, сүрэхпит эймэ-
нэр, санаабыт эрчимирэр:
Ырыанан уһуктар
Биһиги дойдубут,
Ырыанан хардыылыыр
Биһиги норуоппут.
Итинэн эргитэ, ахта-санаан көрдөххө, С. Васильев поэт бы-
һыытынан саха норуотун сэбиэскэй кэминээҕи олоҕун бары кэ-
мин ахсаабакка хоһуйбут, туойбут эбит. «Үлэм, олоҕум суолунан
ырыам, хоһоонум аргыс буолара», — диэн сөпкө да эппит.
Сергей Васильев дьоллоох киһи этэ. Кини бэйэтин хоһоонно-
рун «Мин сибэккилэрим» диэн ааттаабыта».
Василий Протодьяконов-Кулантай уонна Николай Габышев
суруйууларыттан ахтыбыт биричиинэм диэн, саха литератураты­
гар тус-туһунан суоллаах-иистээх суруйааччылар Сергей Васи-
льевка аҕа поэт быһыытынан ытыктабылларын биир тыыннаах
иэйиинэн истиҥник этэллэр, кини поэзиятыгар нөрүөн нөргүйэл-
лэр, сүгүрүйэллэр.
Мин саныахпар, Сергей Васильев бөдөҥ поэт быһыытынан
өссө дириҥник үөрэтиллэр, айар үлэтэ үрдүктүк сыаналанар
кэмнэрэ кэллэ диэн сырдык эрэллээхпин.
Сергей Васильев бэйэтин кэмин уһулуччулаах поэта эрэ буол-
148