Page 199 - Иван Мигалкин. Сүрэхтэн саҕыллар санаалар

1996 сыллаахха муус устар бүтэһик хонуктарыгар эдэр доҕорбу-
нуун Владислав Семенович Доллоновтуун үс-түөрт чаас устата
олорон сэһэргэһиибитигэр Василий Семенович: «Репрессияҕа
түбэһэн, хаайыыттан тахсааппын кытта, аан бастаан Виктор Фе­
дорович көмөлөспүтэ, үлэҕэ ыллартарбыта. Кинини дирикник
ытыктыыбын», — диэбитэ.
В.Ф. Афанасьев-Алданскай баай ис хоһоонноох туе бибилэ-
тиэкэтиттэн бу дойдуга суох буолбутун кэннэ, кини огдооботут-
тан 2000 курдук кинигэни кэргэним З.В. Мигалкина сүүрэн-көтөн,
кэпеэтэн, В. А. Протодьяконов-Кулантай аатынан Литературнай
музей-комплекска атыылаһан ылбыппыт.
«Виктор Федорович уерэтэр устудьуоннарыгар ис киирбэх
үтүө сыһыаннааҕа. Оҕолор кинини сөбүлүүллэрэ», — диэн педа-
гогическай наука дуоктара, профессор Елена Денисовна Нелуно-
ва ахтыбытын өйдөөн хаалбытым.
Виктор Федорович Афанасьев. — 2018 с.

КҮНДҮ ЭЙГЭМ «БИЧИК»
(Эссе)

Халлааҥҥа тырыбынайа кетер чыычаах барахсан уйалаах, бу
кэрэ олоххо күннэтэ хаамса сылдьар дьон бары дойдулаахтар,
силис-мутук тардыбыт, олох киэҥ аартыгар сэрэнэн-сэппэнэн
үктэммит төрөөбүт алаастаахтар, киэн туттар улуустаахтар. Туе
бэйэм төрөөбүт сирим — харах ылбат Тойон Мүрү алааһа, ийэм
Екатерина Ивановна аҕата күөх Ньурба Ынахсытыттан хаан тар-
дыылаах. Баҕар, сэмэйэ суохтук иһиллиэн сел: Бүлүү куоратын
дойдум диэтэхпинэ — 15 сааспыттан 19 сааспар диэри үөрэмми-
тим. Дьону, олоҕу итиэннэ ыраастан ыраас тапталы онно билби-
тим, үрдүктүк сыаналаабытым. Улуу үөрэххэ ис сүрэхпиттэн тар-
дыспытым. Элбэхтэ сылдьыбыппынан, дьонун-сэргэтин билси-
биппинэн Үөһээ Бүлүүнү, Ньурбаны эмиэ дойдуларым, төрөөбүт
сирим кэриэтэ саныыр бырааптаахпын. Ол аата, Сахам сира —
мин үтүө-мааны дойдум. Үйэлэргэ кэхтибэтэр диэн баҕалаахпын.
1967 сылтан 13 сааспыттан хоһоон эйгэтигэр сырдык иэйиинэн
тардыстан аан бастаан кинигэбин бэчээттэппит тэрилтэм — ки-
нигэ кыһата, билигиҥҥи «Бичик». «Бичиктэри» күндү дойдум кэ­
риэтэ истин- эйгэм үлэһиттэрэ диэммин бэйэм төрөппүттэрбинии
сылаастык сыһыаннаһабын.
13* 195