Page 198 - Иван Мигалкин. Сүрэхтэн саҕыллар санаалар

Кэргэним астаабыт алаадьытын, ыһаарыламмыт, үөлүллубүт со-
бону, сылгы иһин бэркэ сөбүлээн аһаабыта. Саха аһын куукуна-
тын интэриэһиргээн ыйыталаһара. Николай Глазков «Чучунаа»
диэн айымньыны саха норуотун номоҕунан суруйа сылдьарын
кэпсиирэ, сорох өттүн ааҕан иһитиннэрбитэ. Виктор Алданскай
нуучча доҕорун иккис, үһүс төгүлүн аҕала сылдьыбыта. «Урал»
матасыыкылынан Дүпсүнүнэн, Өнөрүнэн сылдьыбыппыт», —
диэн Аҕа дойду Улуу сэриитин кыттыылааҕа, Саха АССР оскуо-
лаларын үтүөлээх учуутала, РСФСР норуотун үөрэҕириитин уон-
на ССРС физическэй культуратын туйгуна, Аҕа дойду сэриитин
II степеннээх уонна Кыһыл Сулус уордьаннар, элбэх ахсааннаах
бойобуой уонна үлэ мэтээллэрин кавалера, артиллерист-офи­
цер, аҕам бииргэ төрөөбүт балта Капитолина Николаевна Ми-
галкина кэргэнэ Афанасий Иванович Федоров миэхэ кэпсээбитин
ааспыт үйэ 80-с сылларыгар сурунан ылбытым.
Виктор Алданскай эмиэ доҕоро, саха уһулуччулаах лиирик по­
эта Баал Хабырыыһы Николай Глазковка сирэй билиһиннэрэн,
Николай Иванович Баал Хабырыыс элбэх айымньытын нуучча-
лыы тылбаастаабыта. 1974 сыллаахха Москватааҕы «Детская
литература» издательствоҕа «Дети тайги» диэн Баал Хабырыыс
оҕолорго хоһоонноро 100000 экземплярынан бэчээттэнэн, Сэ-
биэскэй Сойуус устун тарҕанан, араас дойдулар ааҕааччылара
киэҥ сэҥээриинэн көрсүбүттэрэ. Тылбаасчыт Николай Глазков:
«Прекрасному Ване Мигалкину-тойону. 1975 сыл, ахсынньы
14 күнэ, Улуу Харахтыырап» диэн нууччалыы-сахалыы суру-
йан бэлэхтээбитэ.
1966 сыллаахха Москватааҕы «Советская Россия» кинигэ
издательствотыгар бэчээттэммит «Дороги и звезды» диэн Нико­
лай Глазков хоһооннорун кинигэтигэр үһүс түһүмэҕинэн киирбит
«Солнечная Якутия» диэн 28 хоһоонун «Посвящается Виктору
Федоровичу Афанасьеву-Алданскому— другу, поэту» суруктаах
анаабытын билигин долгуйа, үөрэ илиибэр ылан ааьабын.
Сэбиэскэй кэмҥэ олох омсолоох өрүттэрин аһаҕастык, кыр-
дьыктаахтык үгэ оҥорон суруйталаабыт Виктор Алданскай айым-
ньылара Москваҕа «Крокодил» сурунаал сыһыарыытын быһыы-
тынан хас да төгүл бэчээттэнэн, улахан сыанабылы ылбыттара,
бастыҥ сатирик-поэтынан билиммиттэрэ. Арай төрөөбүт дойду-
тугар болҕомтоҕо ылыллыбатаҕа.
Николай Глазковтуун хаста да сэһэргэһэн турардаахпын. Кини
миэхэ эппиттээх: «Ыарахан түгэммэр саха норуотун чулуу уола
Виктор Федорович эрэ ис сүрэҕиттэн көмөлөспүтэ...» — диэн.
Саха норуотун биир биллэр суруйааччыта Даланныын
194