Page 200 - Иван Мигалкин. Сүрэхтэн саҕыллар санаалар

* * *
Киһи олоҕун устата үөрэнэр. Үөрэнэрин тухары кэрэҕэ тар-
дыстар. Оттон, кэрэҕэ тардыстарын тухары — төрөөбүт норуоту-
гар хардатын эрэйбэккэ үйэлээҕи, үтүөнү оҥорор. Мин түһүүлээх-
тахсыылаах, сороҕор «сээн» дэтэн ылбыт, ардыгар эмиэ да сэ-
мэлэммит олоҕум үтүөкэн оскуолаларыттан — Мүрү орто оскуо-
лата, Бүлүүтээҕи педучилище, Москватааҕы Литературнай инсти­
тут, саха, нуучча уонна да атын омук суруйааччыларыныын эн-
мин дэсиһэн бииргэ сылдьыым, истиҥник алтыһыым Сэбиэскэй
Аармыйаҕа сулууспам, Уус Алданнааҕы «Ленинскэй тэрийээч-
чи», Амматааҕы «Коммунизм тутуутугар» итиэннэ республика-
тааҕы «Эдэр коммунист», «Кыым» хаһыаттар, Саха сиринээьи
кинигэ издательствотын кэлэктииптэрэ буолбуттара.
Бу былаһын тухары араас да майгылаах, билиилээх-көрүү-
лээх, санаалаах-оноолоох, итэҕэллээх, олоххо киһи үөйбэтэх
сыаллаах-соруктаах дьоннуун билсэн-орооһон кэллэҕим. Инни-
ки ааттаабыт олоҕум оскуолаларыттан — Саха сиринээҕи кинигэ
издательствота киһи хараҕар быраҕыллар уратылаах. Манна,
хаһыаттар редакцияларын курдук кэлии-барыы сүпсүлгэнэ, хоһу
сатарытар күлсүү-салсыы суох сирэ. Киэҥ санаанан илгийэр,
мындыр өйүнэн угуттуур чуумпу дойду. Кэрэтинэн угуйа сөх-
төрөр аарыма алааһы санатар ытык сир. Мантан бүөбэйдэнэн,
силис-мутук тардан, кэлэр кэскил санаалара сахалыы тылга саа-
һыланан, алмаас таастыы кырыыланан-нарыланан, саха лите-
ратурата чэчирии сайдар ытык-мааны дойдута... Мин күндү эй-
гэм — «Бичик» кинигэ кыһата.
* * *
Билбэт киһи санаатыгар, редактор үлэтэ олус судургу, чэпчэ-
ки курдук көстүөн сөп. Бэрт интэриэһинэй суруйуулары күннэтэ
үөрэ-көтө ааҕыы курдук. Оччолорго, ааспыт үйэ 70-нус, 80-нус
сылларыгар сахалыы да, нууччалыы да кинигэлэр маҕаһыын-
нарга былдьаһыгынан атыыланар, «кэтэх аанынан» туһалаах
дьоҥҥо эрэ бэриллэр сыллара этилэр... Мин курдук «туһата»
суохтар кинигэни Москваттан сыһан-соһон кэлэрбит. Ыарахан
ыйааһыннаах чымадааннарбын сосуһар эдэркээн саастарбар
«понаехали» диэн элэктиир тыллары элбэхтэ иһиттэҕим буо-
луо... Бороҕоннооҕу дьиэбэр хас да тыһыынчанан кинигэлээх
сүҥкэн чааһынай бибилэтиэкэны тэриннэҕим. Онтум тубата —
бииргэ төрөөбүттэрим дьон буоллахтара. Александр — сахаттан
бастакы РФ Генеральнай консула, убайым, технической наука
196