Page 197 - Иван Мигалкин. Сүрэхтэн саҕыллар санаалар

ратаайка Сэмэн кэргэнэ Өлөөнө диэн Чурапчыттан төрүттээх
толуу-мааны дьахтар үһү. Матвеевтарга үгүс элбэх Уус Алдан
уонна Чурапчы ыччаттара олорбуттар.
Москваны саҥа билэн эрэр эдэр киһиэхэ Домодедово килэ-
йэн-халайан, дьэ, улахан аэропорт дьиэтэ буоллаҕа, киһи киирэн
баран улахана бэрдиттэн мунуох курдуга.
Виктор Федоровиһы үөрэ-көтө көрсүбүппүт. Мин ийэлээх аҕа-
бын үчүгэйдик билэбин диэн үөрүүбүн үс төгүл үрдэппитэ. Ресто-
раҥҥа олорон Бороҕоҥҥо батыһа сылдьан көрбүппүн кэпсээн
күллэрбитим. Тута бэйэ оҕото буола түспүтүм.
В.Ф. Афанасьев-Алданскай кэлин «Заслуженный деятель
науки Якутской АССР, профессор В.Ф. Афанасьев» диэн био-
библиографическай ыйынньыгын бэлэхтииригэр суруйбута:
«Родному сыну моего друга юности В. Мигалкина Ивану Ми-
галкину со всеми хорошими намерениями. Профессор ЯГУ
В.Ф. Афанасьев 15.02.91».
Республика киэн туттар бөдөҥ учуонайа, талааннаах сатирик-
поэта В.Ф. Афанасьев олоҕо уонна литература^ айар үлэтэ
эриэ-дэхси күөх хонуунан, туруоруммут сыалга-сорукка дөбөҥнүк
барыы буолбатаҕа. Үтүө төрдүнэн-ууһунан үөҕүллүү сытыы сүлү-
һүнүн билбитэ. Буруйа суоҕар ордугургуур дьон элэктээх сэтэ-
рээһинин эт кулгааҕынан истибитэ, баттаммыта-атаҕастаммыта.
Маны барытын эрдээхтик тулуйан, төрдө-ууһа кырдьык да үтүө-
түн бэйэтин чаҕылхай олоҕунан, үлэһит сүрэҕинэн итэҕэппитэ.
Хайа күн, өлбүтүн кэннэ биирдэ, нуучча норуотун Омар Хайя-
мынан ааттанан үрдүктүк сыаналаммыт, нуучча поэзиятын клас-
сигынан билиниллибит, тыыннааҕар үтүргэҥҥэ сылдьыбыт Нико­
лай Глазков саамай чулуу доҕоро В. Ф Афанасьев этэ.
Оччотооҕу Сэбиэскэй Сойуус чулуу поэттарыттан биирдэстэ-
рэ Николай Иванович Глазков олоҕун сүрүн өттүн Москваҕа олор-
бута. Ол эрээри айаны сөбүлүүр буолан, Хара муора биэрэгит-
тэн Дальнай Востокка тиийэ, ол быыһыгар Орто Азияны олоччу
кэрийэн, биһиги Сахабыт сиригэр хаста да сылдьыбыта. Бу бы-
лаһын тухары Виктор Федорович арыалласпыта.
«Николай Иванович биһиги Уус Алдаммытыгар үс төгүл кэлэ
сылдьыбыта. Аан бастаан 1963 сыллаахха быһыылааҕа. Мин
оччолорго Мүрү орто оскуолатыгар учууталлыы сылдьарым. Са-
маан сайын үгэннээн турар кэмигэр Виктор Алданскай, эдэр саас-
пыттан доҕорум, биир нуучча киһитин батыһыннаран дьиэбити-
гэр киирэн кэлбиттэрэ. Виктор Федорович доҕорун Николай Ива­
нович Глазков, кини биллиилээх сэбиэскэй поэт диэн билиһин-
нэрбитэ. Виктор Федоровичтыын биһиэхэ хас да хоммуттара.
13-355 193