Page 221 - Иван Мигалкин. Сүрэхтэн саҕыллар санаалар

алгыстаах алааһым» диэн хоһооннорун бөлөҕө киирбитэ. «Ин-
дигир уһунна муораҕа» кинигэтин Тихон Егорович маннык сурук-
таан-бичиктээн бэлэхтээбитэ:
«...Мин хаардаах Хайам дьоно —
Хоту дойду хоһууттара.
Мин таптыыр Муомам дьоно —
Табаһыт, булчут чулуулара...
Нарын иэйии — Муза кулутугар,
Соноҕос — Пегас ат куучар уолугар
Иван Мигалкиҥҥа
Муома буорун титиригиттэн —
Аар тайҕалаах Толомонтон.
27Л/1П—81 с.
Олоҥхоҕо ойууланар саха бухатыырыныы киппэ, ньыгыл
көрүҥнээх, хайа таастарын дьапталаан уурбут курдук таһаалаах,
ол эрэн оҕолуу үөрүнньэҥ дууһалаах, наҕыл, холку майгылаах
Т. Е. Черемкин-Толомон туһунан ахтар буоллуҥ да, кини биир
дойдулааҕа, эмиэ хоһоон суруйар идэлээх Николай Михайлович
Черемкин-Момскайы өйдүү-саныы түһэҕин. Кэлбит саҥа исписэ-
лиистэр олохторугар-дьаһахтарыгар Николай Михайлович, өр
сылларга нэһилиэк Сэбиэтин бэрэссэдээтэлинэн үлэлээбит буо-
лан, көмөтө элбэҕэ.
Толомоҥҥо биир маннык интэриэһинэй хоһоон баар:
Поэттар сымара таастан,
Бэл, сулустары саҕаллар,
Өрүкүйүү уот кутаатынан
Сүрэххэ ыстаалы уһаараллар.
Санаам
Дабыдалыгар уйдаран,
Арыт түүн түһээн,
Тунал ыйдаҥанан суунан,
Алааспыттан кынаттанан
Космоска ыттабын,
Ийэ сирбин эргийэ көтөбүн.
Баҕарабын, үөрүнньэҥ санаабар,
Сулустары чөмчүүк таастыы
Ытыһан ылыахпын уонна
Кыргыттарга, Эһиэхэ,
Дьол, үөрүү сибэккилэрин —
Таптал тырымын ыһыахпын...
Баҕарабын өрүүтүн
Бу маннык көтүөхпүн,
Иитиллибит Ийэ сирбэр
Ил-эйэ туругурдун диэн
Үйэлэр уохтаах утахтарын
Сардаҥаны уонна тапталы кутуохпун.
217