Page 222 - Иван Мигалкин. Сүрэхтэн саҕыллар санаалар

«Дьол, үөрүү сибэккилэрин — таптал тырымын ыһан» поэт Ти-
хон Толомон олорон ааспыта. Кини төрөөбүт Муоматын дьонугар
сырдык санааттан үөрүү кыымын бэйэтин хоһооннорунан хаал-
ларбыта. Ол кыым дууһа, сүрэх аайытын сириэдийэ сырдаан
күөдьүйүө, хаһан да умуллуо, умнуллуо суоҕа дии саныыгын...

Мичилиһин, дуу. са^ахтар. — 2002 с.

БИҺИГИННИИН БИИРГЭ ОЛОРОР БУ СИРГЭ

Тыыннаабар ситэ-хото сыаналамматах, үрдүктүк күөрэччи
тутуллубатах талааннаах поэттартан биирдэстэрэ буоларын
Николай Иванович Харитонов-Чуор айан хаалларбыт кинигэлэрэ
кэм-кэрдии аастаҕын ахсын, тыыннааҕынан тырымнаан туоһу-
лууллар.
Николай Ивановичтыын ааспыт үйэ 70-с сылларын ортоту-
гар сүүрбэччэлээх саастарбар билсибитим. Хара маҥнайгыттан
үтүөкэн санаалаах, амарах, эйэҕэс майгылаах киһи эбит диэн
санаа үөскээн, киниэхэ истиҥ ытыктабылынан сыһыаннаспытым
эрээри, бэйэм курдук, хоһооннору суруйуунан дьарыктанарын
олох кэлин билэн соһуйбутум.
Николай Чуор 60 сааһын көрсө «Ытык алаһам» диэн кыракый
ытыс саҕа кинигэтэ 1995 сыллаахха «Бичик» национальнай ки-
нигэ кыһатыгар бэчээттэммитэ. Билигин, бу кинигэни ааҕа-ааҕа,
уйадыйабын: «Николай Иванович тыыннааҕар биир истиҥ тылы,
санаатын кынаттыыр таммах саҕа хайҕал оҕотун аат ааттаан эп-
пэтэхпин, үөрдүбэтэхпин...»
Тыыннаах киһи аналынан, барыта суох буолбутун кэннэ, хо-
йутаан өйдүүгүн, сыаналыыгын, кэмсинэҕин.
Кээмэйдэнэр кэрдиис кэмим
Кимэн КЭЛЭН ИСТЭҔЭ,
Хаһан эрэ мин кимим
Биллэр күнэ кэлиэҕэ...
Бааллар этэ олохпор
Ырыалардаах ымыылар,
Алгыс курдук алаһабар
Алаадьылаах киэһэлэр.
Кэскил түстүүр аналбын
Киһи дэтэн, толордум,
Арай ыраах ырабын
Сиппэккэбин, хомойдум.
218