Page 28 - Иван Мигалкин. Сүрэхтэн саҕыллар санаалар

* * *
Ханна да сырыттарбын ону-маны бэлиэтэнэрбин көрөн,
Н.А. Габышев эппитэ:
— Дьэ, бэркэ гынаҕын. Киһи барытын өйүгэр туппат. Мин эдэр
сааспыттан ыла элбэх блокноту «марайдаатаҕым» буолуо...
Тыаҕа эҥин сырыттахха, араас көрдөөх кэпсэтии тахсааччы. Ону
тутатына бэлиэтэммэтэххинэ, умнан кэбиһэҕин. Кытаат, бэлиэ-
тэнэн ис.
— Николай Алексеевич, барытын бэлиэтэнэн иһэргэ Семен
Петрович сүбэлээбитэ. Холобур оҥоһун диэн, бэйэтин дневник-
тэрин көрдөрөн аахтарбыта...
— Семен Петровичтыын суруйсаҕын дуо?
— Суруйсабын.
— Ханнык да суругу бырахпат буол. Сааһыран бараҥҥын ол
суруктаргынан бутун романы суруйуоххун сел.

* * *
«Россия» гостиницаҕа С.П. Данилов саха худуоһунньуктарын
кытта кэпсэтэ олороругар киирэн кэллим. Хаһыаттарга көрөн
билэрбинэн, А. П. Мунхалов, В. С. Парников бааллара. Кинилэр
мин киирбиппэр болҕомтолорун уурбакка, бэйэлэрин чопчу наа-
даларын быһаарсан кэпсэппиттэрэ. Ханна эрэ бииргэ барарга
тиэтэйэр быһыылаахтара. (Аны санаатахха, «Дьулуруйар Ньур-
гун Боотур» олоҥхо нууччалыы тахсыытыгар иллюстрациятын
кэпсэппиттэр эбит.)
Кинилэр кэпсэтэн бүтэллэрин күүтэн, соҕотох ЧӨКӨЛЛӨН олор-
дохпуна, Семен Петрович сырдык сиэрэй бинсээгин аҕалан, мии-
гиттэн көрдөстө:
— Баһаалыста, бу түспүт тимэҕи тик эрэ. Элбэх оҕолоох ыал-
га төрөөбүт киһи иистэнньэҥ буолуоҥ.
— Тимэҕи тигэри сатаан бөҕө буоллаҕа дии, училищеьа ши­
тье диэн предметтээх этибит.
— Чэ, үчүгэй.
Бүлүүтээҕи педучилищеҕа араас оһуору быысапкалыырга
үөрэппиттэрэ. Тимэҕи баҕас... диэн өйдөбүллээх этим. Бинсээк
тимэҕин түргэн үлүгэрдик тигэн кэбистим. Семен Петрович ба-
һыыбалаата. Бинсээгин ылан нэлэтэн, кэтэн көрдө: саптарым
бинсээк нөҥүө курдаттыы көстөллөрүттэн сонньуйда быһыы-
лаах, хомойбуттуу:
— Уолум иистэнньэҥ буолуо диэбитим, сатаабат эбиккин дии.
Бэйэм тигииһикпин. (Семен Петровичтааҕар бэйэм ордук хомой-
24