Page 235 - Иван Мигалкин. Сүрэхтэн саҕыллар санаалар

Күөх халлааҥҥа өрүү күөрэйиҥ,
Күөрэгэйдэр,
Поэттардыын бииргэҕит тухары.
Көҥүл баар — эһиги ырыабытыгар,
Күн бэлэҕэ — олох олоруу,
Кутуҥ, симээҥ — сир ньуурун
Салгынын күүстээх дыргылынан.
«Күөрэгэй» диэн лирическэй драматынан Мария Петровна
Обутова-Эверстова төрөөбүт сахатын норуотугар үйэлээх үтүө
аатын хаалларда. Бар дьонун истиҥ махталын ылла.
«Күөрэгэй» диэн ырыа тылларын саха талааннаах поэта Мар­
фа Петровна Куличкина, оттон мелодиятын норуот истиҥ тапта-
лын ылбыт Валерий Ноев айбыта. Саха дьахталларыттан биир
бастакынан поэзия аартыгын арыйсыбыт Марфа Куличкина туһу-
нан филологическай наука дуоктара Дора Егоровна Васильева
суруйбута: «Марфа Петровна Куличкина, төһө даҕаны 1988 сыл-
лаахха олунньу 22 күнүгэр 59 сааһын туолбакка сылдьан ыара-
хан ыарыыттан олохтон туораатар, кини айан хаалларбыт бэр-
тээхэй хоһоонноро күн бүгүҥҥэ диэри дьон-норуот санаатын дол-
гуталлар, дууһатын сылаас иэйиитинэн умсугуталлар, кэнчээри
ыччатын курдук кини олоҕун уһаталлар, сырдык, кэрэ кыымнары
саҕаллар...»
Кып-кыра күөрэгэй,
Күөх оттон күүс ылан,
Көстүбэт үрдүккэ
Күөрэйэн тахсаҥҥын
Дьиэрэй дуу, дьиэрэй дуу,
Дьиримнии сылдьаҥҥын.
Күөрэй дуу, күөрэй дуу,
Күөрэгэй чыычааҕым.
Оо, намчы эрээри —
Модун да кыахтааххын,
Дьон аймах дууһатын
Абылыыр күүстээххин.
Ытыспар ыламмын
Ыллата турдарбыан,
Эн ырыаҥ сүмэтин
Сүрэхпэр куттарбыан. —
диэн Марфа Куличкина «Күөрэгэй» ырыата ис санаа иэйиитин
имигэстик эппитинии, саха дьахталларыттан бастакы драматург
Мария Петровна Обутова-Эверстова ааҕааччыларыгар анаабыт
айымньылара «дьон аймах дууһатын абылыыр күүстэригэр»
эрэнэбин, итэҕэйэбин. Сыллар-хонуктар хойуу туманнарыгар Ма­
рия Петровна айымньылара сүппэккэ, күөх халлааҥҥа көҥүл
231