Page 238 - Иван Мигалкин. Сүрэхтэн саҕыллар санаалар

чы 8 кылаастаах оскуолатыгар физкультура учууталынан ананан,
үлэһит буолуу бастакы уктэлин эрдээхтик дабайбыта.
Хоту дойду тыйыс айылҕатыгар эриллэн-мускуллан улааппы-
та. Оннооҕу үтүө айылгылаах учууталларга иитиллэн, үөрэнэн
киһи-хара буолбут ыраас майгылаах ыччат быһыытынан, олоҕун
сүрүн сыалынан үөрэҕи баһылааһыҥҥа күүстээх санаатын ууран,
Дьокуускайдааҕы педучилищены (1967 с.), СГУ историко-фило-
логическай факультетын (1975 с.), Москватааҕы кооперативнай
институт иһинэн Үрдүкү кооперативнай куурустары (1985 с.) си-
тиһиилээхтик бүтэртээбитэ.
Олох оскуолатыгар уһаарыллан, учууталынан, спорт кэмитиэт,
райпотребсойуус уонна Верхоянскай куорат норуодунай депу-
таттарын Сэбиэтин бэрэссэдээтэлинэн, оскуола дириэктэринэн,
«Саха сирэ» хаһыат бастыҥ журналиһынан үлэлээбитэ. «Чыс-
хаан» диэн балаһаны бу хаһыакка арыйан, хотугу улуустар эко-
номикаларын уонна төрүт культураларын республика ааҕааччы-
лара улаханнык кэрэхсииллэрин ситиспитэ. Кини тус бэйэтин су-
руйууларын ааҕааччылар күүтэллэрэ. Тыла-өһө имигэһин, нам-
чытын, дириҥ эҥсиилээҕин сөҕөллөрө-махтайаллара. Оттон поэ-
зията сүрэҕи-быары ортотунан сайан киирэр уратылааҕа:
Төрөөбүт хампа күөх кырдалбар,
Төгүрүк чөҥөрө алааспар
Түү курдук салгыҥҥа көтөммүн
Түүлбэр мин үгүстүк төнүннүм.
Үөрүөҥдии, ийэкэм барахсан,
Үгүс сыл сылаатын таһааран
Биһигиҥ ырыатын алыбар
Бигэтэ, нуурайа тиийдэрбин.
Сыһыыга — сибэкки симэҕэ,
Сөрүүнүөн сиик көтөр салгына!
Мутукча ойуурум чээл күөҕэ!
Мүөттээх сыт чэпчэтэр дыргыла...
Хатыҥым субатын хайҕааннар
Халтай тыл элбэхтик суккуллар,
Ол эрэн ураты тардыылаах
Олоххун умналлар быһыылаах.
Бар дьонуҥ сэмэйин кэриэтэ,
Бары баар кэрэҕин истиҥник
Эн чахчы эрэнэр киһигэр
Арыйар эбиккин дьиҥнээхтик.
Күүс, үлэ, түс санаа баттааннар,
Күннэтэ сааһыран истэҕим,
Түүн түүлбэр мин оҕо буоламмын
Төрөөбүт дойдубар төннөбүн.
(«Түүпбэр о$о буолан» кинигэттэн).
234