Page 236 - Иван Мигалкин. Сүрэхтэн саҕыллар санаалар

көччүйэр күөрэгэйдии өрүү үөрдэ-көтүтэ сылдьыахтара. Бу кини-
гэни бэлэмнээбит Мария Петровна чугас дьонугар, оҕолоругар
истиҥ махталбын этэбин, бары Үтүөнү Алгыыбын!

Көдөһү күөрэгэйэ. — 2018 с.

ДЬИКТИ СЫРДЫК ЫРАЛААХ,
ХОҺООН-ЫРЫА КЭҺИИЛЭЭХ...

Талааннаах кэпсээнньит, поэт уонна журналист
Степан Юмшанов төрөөбүтэ 60 сылыгар
Ааспыт сыл ахсынньы саҥатыгар, уоппускаҕа дойдубар Боро-
ҕоҥҥо олордохпуна, быраатым Афанасий Васильевич төлөпүөн-
нээтэ:
— Иһиттиҥ дуо, бэҕэһээ Ыстапаан Юмшанов куһаҕан буол-
бут... Суолбут сабыылаах дии. Саатар, тэлэгирээмэтэ биэрээр.
Хаарыан киһи...
Кэргэним Зоя Васильевна биһиэхэҕэ ыарахан сонун буолла.
Саҥардыы үчүгэйдик билсэн, бодоруһан, доҕордоһон истэхпи-
тинэ, Ыстапааммыт барахсан күн сирин сырдыгыттан арахсан,
аны хаһан да эргиллибэттии барбыта. Дэлэҕэ да, билсибит
саха суруйааччыларыттан кэргэним киһи быһыытынан саамай
сөбүлүүр дьонунан Василий Васильевич Яковлев уонна Степан
Иннокентьевич Юмшанов этилэр.
Санньыар киэһэ сарыала
Саҕахтарга кыыһыыта,
Санааларгын кистииргэр,
Санаан ааһаар дуу, миигин.
Добор дьонтон хомойор,
Туоххаһыйар, хоргутар
Чуумпу курус киэһэьэр
Санаан ылаар дуу, миигин...
...Олох бары далбарын,
Ойуу-бичик мандарын
Көрсөн салпыт түгэҥҥэр,
Санаан ылаар дуу, миигин.
Дууһам олус тууйуллар,
Тулаҥ бүттүүн суураллар
Хобдох курус түүнүгэр
Оргууй миигин ыҥыраар.
Тиийиэм айыы арчылаах,
Дьикти сырдык ыралаах,
Хоһоон, ырыа кэһиилээх,
Куруук өспөт эрэллээх.
232