Page 240 - Иван Мигалкин. Сүрэхтэн саҕыллар санаалар

— Дьокуускайга дьиэлэнэн, даачаланан бэркэ эрийсиэх ки-
һини түөкүттэр сүгүн олордубакка эрэйдээн эрэллэр. Манна кэ-
лэн атыыласпыт сабыс-саҥа «Жигули» массыынабын күрүлүүр
күнүс гарааспыттан уоран барбыттара ууга тааһы бырахпыттыы
мэлийбитэ. Аны тохсунньуга үлэлии сырыттахпына, дьиэм түн-
нүгүн көтүрэн суйдаан барбыттара, эбиитин олохтоох отопле-
ниебын тоҥорон кэбиспиттэрэ. Испэр кыһыйа санаатарбын да,
таспар биллэрбэккэ, оонньуу-күлүү курдук аһарыммытым. Бииргэ
үлэлиир кыргыттарым: «Сорохтор манна бэргэһэлэрин уордахта-
рына, нэдиэлэни быһа буугунааччылар. Эн массыынаҕын уорда-
ран, дьиэҕин халатан баран, тоҕо кыһаллыбаккын?» — диэтэх-
тэринэ: «Өлүүм-ирээтим итинэн эрэ бүттэҕинэ дьолум буоллаҕа,
сорохторго оннооҕор буолуох алдьархай ааҥныыр диэн уоску-
тунабын», — диэбитэ. Аҥаардас бу этиитигэр да Степан Инно­
кентьевич дьиҥ сахалыы киэҥ, мындыр, ырааҕы эргитэн керер
санаалааҕын көрөҥҥүн истиҥник ытыктыыгын. Киһи эрэ барыта
Ыстапаан убайбыт курдук киэҥ көҕүстээх буолбатаҕа буолуо.
Бүгүҥҥү кыракый бэлиэтээһиммэр С. И. Юмшанов айар үлэ-
тин ырыппакка, кинини киһи быһыытынан көрдөрөргө дьулустум.
Степан Иннокентьевич талааннаах суруйуулара кини иккис олоҕо
буолан саха ааҕааччытын өрүү үөрдэ, кэрэҕэ уһуйа, үрдүккэ
көтүтэ сылдьаллар. Суруйуу да икки өрүттээх буолааччы: сорох
суруйуулар ааптарын курдук кинини кытта тэҥинэн өлүктүйэр, он-
тон атын суруйуулар саха ааҕааччыта баарын тухары өрүү тыын-
наах тырыбынайа сырдыыр аналлаахтар. Ыстапаан суруйуулара
өрүү эн аттыгар баалларыттан, чугастарыттан үөрэҕин...
Биһиги Ыстапааммыт. — 2005 с.

АЛАМАҔАЙ АЙЫЛГЫЛААХ АЙЫЛ ПОЭТ

Бэйэҥ ис сүрэххиттэн ылынар, өйдүүр, сыаналыыр поэтыҥ
хоһооннорун ааҕаҥҥын санаалыын сэргэхсийэҕин, дууһалыын
сылаанньыйаҕын. Дьокуускай куорат Бэчээтин дьиэтигэр Васи­
лий Петров-Айыл поэттыын хаста да көрсөн, кылгастык да буол-
лар кэпсэтэн ылбыттаахпын. Кини — сүүс киһи ортотугар харахха
быраҕыллар уратыта суох көстүбүтүн иһин, айылҕаттан айда-
рыылаах поэт буоларынан, алаас курдук аһаҕас, киэҥ санаалаа-
ҕа, аламаҕай айылгылааҕа.
Кини эдэркээн кыыс оҕолуу нарын-намчы майгылаах хоһоон-
236