Page 237 - Иван Мигалкин. Сүрэхтэн саҕыллар санаалар

Санааларгын сырдатан,
Санаан ылаар дуу, миигин.
(«Санаан ааһаар дуу, миигин»),
Ханан да арыы былыта суох ыраас халлаанныы майгылаах,
дьааҥылыы аламаҕай С. И. Юмшанов тиһэх хоһоонун олоҕун
аргыһыгар, тапталлаах доҕоругар Евдокия Гаврильевнаҕа уон-
на оҕолоругар анаабыт курдук эрээри, бу хоһоону өйдөөн аах-
тахха, кинини чугастык саныыр дьоҥҥо барыбытыгар анаммыт
курдук. Бу буолар, поэзияны сырдык утаҕынан тыыннаан, иэйии
истиҥин бар дьоҥҥо туһулаан, ураты дыргылынан сайар сибэк-
ки дьөрбөтүн ис сүрэхтэн уунан биэрии. Степан Иннокентьевич
бу тиһэх хоһоонун ааҕа-ааҕа уйадыйабын, кини суох буолбутун
итэҕэйбэтэхтии, «Бэчээт дьиэтин» ааныгар күүтэн турардыы са­
наан ылабын. Кини биһикки туох да болдьоһуута суох көрсөр сир-
бит ол эта. Манна элбэҕи да сэһэргэһэн ыллахпыт буолуо. Манна
табахтыы тураммыт санаабытын атастаһарбыт, айар үлэҕэ өй-
дөбүлбүтүн хардарыта билиһиннэрэрбит.
— Оҕо эрдэхпинэ, төрөөбүт Табалаахпар бэһискэ үөрэнэр-
бэр, төһө даҕаны оройбунан көрбүт орой-мэник буолларбын,
сахалыы кинигэни сыыс түһэрбэккэ ааҕарым. Ол иһин буолуо,
Моисей Дмитриевич Ефимов тэрийбит литературнай куруһуогар
сылдьыбытым. Онно хоһоон суруйарга, араас пьесаларга оон-
ньуурга үөрэммитим. Моисей Дмитриевич ордук Илья Стручков
диэн биһигини кытта бииргэ үөрэммит уолу сэргиирэ. Уобарас-
таан этиини сатыыр диэн холобур оҥосторо.
Степан Иннокентьевич Юмшановтыын, төһө да аҕыйах сыл-
лааҕыта билистэрбит, кинилиин убайдыы-быраат курдук сыһыан-
нааҕым. Ити төрүөтэ кини биһикки дьылҕабыт бэрт элбэх маа-
рыннаһар түгэннэрдээҕэ, дьону уонна олоҕу эмиэ майгыннаахтык
көрүүбүтүгэр олоҕурар. Убай суруйааччым Ыстапаан барахсан
ааспыт үйэлэртэн кэлбит, саха дьиҥ бухатыырыгар майгынныыр
үтүө, астык көрүҥнээҕэ. Ол кини эдэригэр улахан түһүлгэлэр-
гэ туста да сылдьыбытыттан буоллаҕа. Ыстапаан бу бухатыыр
көрүҥэр дьүөрэтэ суох аһара намчы, уйан дууһалааҕа. Талаан-
наах поэт киһи сиэринэн, атыттары намтаппакка уонна хомоппок-
ко этэр имигэс, күһүҥҥү бастакы тоҥуулар эрэ кэннинээҕи чараас
муустуу сырдык күлүүлээх (юмордаах) киһи этэ.
С.И. Юмшанов 1945 сыллаахха атырдьах ыйын 31 күнүгэр
Үөһээ Дьааҥы улууһун Табалаах нэһилиэгэр төрөөбүтэ. Верхо-
янскай орто оскуолатын 1963 сыллаахха бүтэрэн баран, Адыач-
2 3 3