Page 274 - Иван Мигалкин. Сүрэхтэн саҕыллар санаалар

көрүүлэрдээх, талааннаах суруйааччылар. Кинилэр — эн сыа-
набылгар?
— Бука бары уһулуччу дьоҕурдаах дьон. Афанасий Федоров
ийэм биир дойдулааҕа, ыаллыы алаас оҕолоро, ийэбиттэн үс
эрэ сыл аҕа. Кини, бэйэтэ ыарыһах киһи, оччолорго Багдарыын
Сүлбэни, Даланы кытары репрессияланан хаайыыга олорботоҕо,
саатар үйэтэ уһаабыта буоллар, саха уус-уран литературатыгар
улахан айымньылары биэриэхтээээ хаалбыта. Ол да буоллар
аҕыйах сыл иһигэр элбэҕи айбыта-туппута. «Хагдарыйбат лабаа-
ларын», «Күөх кырыһын», «Доҕотторун» аахпатах да саха суоҕа
буолуо арааһа.
Саха норуодунай суруйааччыта Николай Дьокуускайы, норуот
поэта Бүөтүр Тобуруокабы, хоһоонньут, тылбаасчыт Валерий
Чиряевы, бэртээхэй кэпсээнньит Николай Габышевы хрестома­
ти я ^ эрэ буолбакка, өссө орто кылаастарга үөрэнэ сылдьан көр-
сүһүүлэргэ илэ бэйэлэрин көрбүт, тылларын-өстөрүн, алгыста-
рын эт кулгаахпынан истибит дьоллоохпун. Кинилэр айымньыла-
рын үөрэтэн, умсугуйан ааҕан төрөөбүт тылым сүмэтин, сүөгэ-
йин-сөлөгөйүн иҥэриннэҕим.
Саха норуодунай суруйааччыта Сэмэн Руфов туһунан биир-
икки тылынан муҥурданарым тутах буолуо. Сэмэн Тиитэбис
эмиэ ийэм биир дойдулааҕа, Тамалакаан. Мин кинини киһини
билиэхпиттэн истэбин-билэбин. Тоҕо диэтэххэ, кэргэнэ Арбы-
кина Мария Спиридоновна — мин бастакы учууталым, уоллара
Максимныын бииргэ үөрэммитим. Ийэм кэпсиир буолара: Былыр
тамалакааттар Сэмэн Уруукап, 050 эрдэҕинээҕи аатынан Баттах
Сиэмискэй, ампаарга хатана сытан харыс са^а халыҥнаах кини-
гэлэри түүннэри-күнүстэри ааҕар, аны аахпыт кинигэтин барытын
өйүгэр тутар диэн сөҕөн сэһэн оҥостоллоро үһү. Ол иһин үрдүк
үөрэхтээх, киэҥ билиилээх, суруйааччы буолуон буолла диирэ.
Учууталбыт Мария Спиридоновна сүрдээх ирдэбиллээх этэ.
Уруогар бэлэмнэммэтэх оҕону хайаан да дьиэтигэр илдьэн аах-
тарар ИДЭЛЭЭ5Э. Ону мин үчүгэйдик үөрэнэбин эрээри, биирдэ,
учууталым дьиэтигэр сылдьаары, уруокпун бэлэмнэммэккэ кэ-
лэммин барсар «дьолго» түбэстим. Онно тиийэн сөхлүтүм диэн —
дьиэлэрин истиэнэтэ, көрүдүөрэ барыта муостатыттан өһүөтүгэр
тиийэ ыы-быччары кинигэ! Ити өссө 1973 сыллаахха. Онтон дьиэ-
бэр тиийэммин ийэбэр, олус диэн сөйөн-махтайан учууталым аах
наһаа да баайдар диэбиппин. Онуоха ийэм (былыр Куду учаас-
тагар Дабыыдапка учууталлыыр эрдэҕинэ интэринээккэ утуйар
таҥас-сап мөлтөҕөр, орон суоҕар Мария Спиридоновнаны кытта
хоонньоһон утуйан турааччыбыт диирэ), тыый, ол алта оҕолоох,
270