Page 283 - Иван Мигалкин. Сүрэхтэн саҕыллар санаалар

УРАН ТЫЛ УМСУЛҔАНА
(Галина Фролованы кытта кэпсэтии)

— Ааспыт үйэ 70-с сылларынаары Булуутээ$и педучилище
литературней куруһуогун туһунан туох өйдөбүллээххиний? Бу
училище туе олоххор суолтата?
— Мин Бүлүүтээҕи педучилищеҕа 1970— 1974 сс. үөрэмми-
тим. Кыра эрдэхпиттэн сахалыы норуот уус-уран айымньыла-
рын — олоҥхону, тойугу, оһуокайы — истэ үөрэммитим. Бэйэм
Ньурба оройуонун Чкалов сэлиэнньэтигэр Васильев Алексей
Алексеевич уонна Петрова Александра Ивановна дьиэ кэргэн-
нэригэр төрөөбүтүм. Эбэм Васильева Марфа Алексеевна киһи
дууһатыгар, сүрэҕэр тиийэр гына кэпсиир идэлээх, абаҕам Алек­
сеев Петр Петрович-Тыыбыкка аатырбыт олоҥхоһут, тойуксут,
оһуохай тыла этээччи эта. Кини тыла иччилээҕин, туойара кэрэ-
тин туһунан номоххо ахтыллар. Кини олоҥхотун, тойугун истэ
улаатан, кини кырабыттан булан биэрэр саха суруйааччыларын
кинигэтин ааҕан, тыл умсулҕаныгар сүгүрүйэбин. Абаҕам тыл
иччилээҕин, аптааьын туһунан этэр буолан, тылга сэрэхтээхтик
сыһыаннаһарга үөрэтиитин ылынан — ону тутуһабын.
Онтон Бүлүүтээҕи педучилищеҕа 1970 сыллаахха үөрэнэ кии-
рэн баран, сүтэрбиппин булбуттуу, Захарова Мария Ивановна са-
лайар саха литературатын куруһуогар суруйтаран, дьарыктанан
барбытым.
Бүлүү куорат бэйэтэ ураты, үйэлэри уҥуордаан кэлэр салгы-
нын эппинэн-хааммынан, сүрэхпинэн-быарбынан ылыммытым.
Саха тылынан уус-уран айымньытын чинчийээччи, хомуйаач-
чы, суругунан уус-уран айымньытын биир төрүттээччи Алексей
Елисеевич Кулаковскай-Өксөкүлээх Өлөксөй 1912— 1915 сыл-
ларга Бүлүү куоратыгар Үрдүкү начаалынай училищеҕа учуутал-
лаабыта. Ол кэмҥэ хомуйар-чинчийэр үлэтин салҕаабыта.
Саха суругун-бичигин төрүттэспит, саха маҥнайгы учуонай-
лингвиһэ, саха алпабыытын оҥорбут Семен Андреевич Новгоро-
дов 1912— 1913 сылларга Бүлүү училищетыгар учууталлаабыта.
Саха биллиилээх поэта, драматура, прозаига — Алексей Ан­
дреевич Иванов-Күндэ 1920— 1923 сылларга Бүлүү куоратыгар
учууталлыы сылдьан учуутала П. X. Староватовы кытта Саха
сирин биир улахан кыраайы үөрэтэр музейын тэрийсибитэ. Күн-
дэ Бүлүүгэ олорон литературнай куруһуогу тэрийэн үлэлэппитэ,
«Тыҥ хатыыта» диэн сурунаалы таһаарбыта. Элбэх ыччаты айар
үлэ киэҥ аартыгар үктэннэрбитэ.
279