Page 281 - Иван Мигалкин. Сүрэхтэн саҕыллар санаалар

биэскэй былааһы, ол эбэтэр судаарыстыбаннаһы олохтоспут,
өссө сорох түгэннэрэ ордук ыйааһыннаах оруоллаах киһи эрээри,
тоҕо эрэ уруккуттан көйгөтүллэр эта. Киин куоракка кини аатын
санатар-ааттатар бүүстээҕэр буолуох туох да суох эта. Арай
аэропорт оройуонугар уонча мае дьиэлээх кини аатынан пере­
улок оҕото баар сурахтааҕа. Ол иһин Владимир Семенович по-
литикаҕа хара бастакыттан орооһуоҕуттан Исидор Барахов үтүө
аатын норуотугар дьиҥнээхтик тилиннэрэн төннөрөөрү, үтүөтүн-
өҥөтүн дьиҥнээхтик сырдатарга дьулуспута. Ол саҕалаабыт кэс-
киллээх үлэтин Ил Туман I, II ыҥырыылаах болдьоҕун норуоду-
най депутатынан сылдьан, калин Үөһээ Бүлүү улууһун баһылы-
гынан быыбарданыаҕыттан кимиэллээхтик туруорсубута. Түмү-
гэр Исидор Барахов аата норуотугар иккистээн эргиллэн тилин-
нэ, этиллибэтэх этилиннэ, умнуллубут сөргүтүлүннэ. Кэмниэ-кэ-
нэҕэс кини кэриэһигэр республиканскай ыһыах ыһыллыбыта,
үбүлүөйдэрэ үрдүк таһымнаахтык тэриллибиттэрэ, хас да доку-
ментальнай кинигэ, араас кинигэ-альбом бэчээттэннэ, театрга
спектакль туруорулунна, Үөһээ Бүлүү улууһугар төрөөбүт-үөскээ-
бит дойдутугар Харбалаахха музей саҥа дьоһуннаах дьиэтэ ту-
туллан Исидор Барахов аатынан государственность музейа
төрүттэннэ, Дьокуускай куоракка Исидор Барахов пааматынньы-
га турда уонна сквера оҥоһулунна. Ити иһин биһиги, саха норуо-
та, сарсыҥҥы саргыны айыахтаах-тутуохтаах ыччат дьон Влади­
мир Поскачиҥҥа махтаныах тустаахпыт.
— Валерий Васильевич, эн суруйууларгын үчүгэйдик билеэм-
мит, салгыы сайдыан сөптөөх диэн сыаналааммыт, сотору-
таарыта Саха Республикатын Суруйааччыларын сойууһугар
ылбыппыт. Айар үлэрэр инники былааннаргын билиһиннэр эрэ?
— Миигин Саха сирин олохтоохторо, тыа дьоно сүнньүнэн
хаһыакка аахпыттарынан Муттуххай Бороҥ диэн ааппынан суру-
налыыс эрэ быһыытынан билэллэр. Онон ааҕааччы киэҥ араҥа-
тыгар хоһоон суруйар идэбинэн улаханнык биллэ-көстө илик, үс
эрэ кинигэ «оҕолоох» киһиэхэ суруйааччы аатын сүгүү, биллэн
турар, бу олус улахан эппиэтинэс. Ити биирэ. Иккис өрүтүн өҥө-
йөн көрдөххө, бастакытынан, суруйааччы буолуу диэн бу уус-
уран литература чараас эрээри, үрдүктэн үрдүк эйгэтигэр кии-
рии, өркөн өй мындаатыгар чугаһыырга өссө биир үктэли даба-
йыы. Иккиһинэн, бу инникитин миигиттэн элбэх сыраны-сылбаны
эрэйэр алгыстаах айар үлэ күүтэр. Үсүһүнэн, норуотум иннигэр
суруйааччы аатын ылбыт киһи ытык иэспин үтүө түмүктээх үлэ-
бинэн-хамнаспынан төлүөхпүн наада. Мин ийэбинэн-аҕабынан,
ол эбэтэр икки өттүттэн, суруйааччы аймахтаахпын. Аҕабынан
277