Page 282 - Иван Мигалкин. Сүрэхтэн саҕыллар санаалар

убайым, аҕам таайа Седалищев Никифор Кирикович-Дьүөгэ
Ааныстыырап суруйааччы эта, ийэбинэн таайым Гольдеров Ва­
силий Федотович-Ороһу Уола үтүөкэн прозаик, хомоҕой тыллаах
хоһоонньут поэтынан биллибитэ, кини кыыһа, эдьиийим Гольде-
рова Саргылаана Васильевна-Саргы Куо, иэйиилээх, илбистээх
тыллаах поэтесса. Онон аны кэннибэр итиччэ дьоһун ааттаах-
суоллаах, суруйааччы дьонноох, уруулаах-аймахтаах киһи да
сиэринэн, мин, бар дьоммор мөлтөх айымньыны утары уунар
ханнык да быраабым суох. Өссө суруналыыстыы сырыттахпына
таайым Баһылай Куолдьарап, онтон бастакы «Олох хаарын ой-
моон» (2013 с.) кинигэбин таһаарбытым кэннэ норуодунай суру­
йааччы Сэмэн Руфов, норуодунай поэт Василий Сивцев поэзия-
ны сэргэ проза жанрыгар холонорбор сүбэлээбиттэрэ. Онон ити
убайдарым сүбэлэринэн хоһоону айарым быыһыгар кыралаан
кэпсээн суруйарга холонобун. Ол гынан баран, хайатыгар да
олус бытааммын, ааһа баран наһаа нэспин. Өйбүттэн, бэйэбин
күүһүлээн туран аҕала сатаан, оҥорон көрөн айбаппын уонна дьэ,
сакааска диэн олох сатаан суруйбаппын. Иэйдэхпинэ, иэйиим
киирдэҕинэ, ону да дьэ бэркэ ымпыктаан-чымпыктаан, хас биир-
дии тылбар улахан болҕомто ууран, ураты суолта биэрэн суруйа
сатыыбын.
— Бар дьощор бара санаан?
— Бу дохсуннук сайдар холуон, атааннаах-мөҥүөннээх, тү-
һүүлээх-тахсыылаах сүүрбэ биирис үйэҕэ биһиги сахалар ил-
лээх-эйэлээх эрэ, биир сутурук, ньыгыл таас курдук сомоҕо буо-
луох тустаахпыт. Үөрэхтээх, киэҥ билиилээх эрэ буолбакка,
олоххо эргиччи бэлэмнээх, ханнык да хара үлэттэн туора турбак-
ка харыбытын ньыппарынан үлэлээтэхпитинэ, төрүт үгэс буолбут
дьарыкпытын туппутунан хааллахпытына, аныгы кэм таһымыгар
эппиэттиир гына сайыннардахпытына, тылбытын-өспүтүн буо-
мурдубакка байытан истэхпитинэ тыыннаах ордуохпут, инники-
тин саха омук үөттэриилээх үтүө аатын-суолун аар саарга дуо-
рааннаахтык ааттатыахпыт.
Ол инниттэн бука бары норуот быһыытынан муҥутуур өй-
гө-санааҕа дьулурҕатык дьулуһуоҕуҥ, уйулҕабыт өттүнэн бары
бүттүүн чөл куттаах-сүрдээх буоларга кыһаныаҕыҥ, эт-хаан өт-
түнэн чэгиэн, чэбдик буолуоҕуҥ.

278